കൊഴുപ്പുണ്ടെങ്കിലും പലരുടേയും ഇഷ്ടവിഭവമാണ് ബീഫ്.
എങ്ങിനെ ഉണ്ടാക്കുമെന്നു നോക്കാം.
ബീഫ്1 കിലോ
സവാള4
തക്കാളി2
പച്ചമുളക്4
മല്ലിപ്പൊടി2 ടീസ്പൂണ്‍
മുളകുപൊടി1 സ്പൂണ്‍
മഞ്ഞള്‍പ്പൊടിഅര സ്പൂണ്‍
കുരുമുളക്1 സ്പൂണ്‍
ഇഞ്ചി, വെളുത്തുള്ളി പേസ്റ്റ്1 സ്പൂണ്‍
മീറ്റ് മസാല2 സ്പൂണ്‍
ഉപ്പ്ആവശ്യത്തിന്
ബീഫ് ചെറിയ കഷ്ണങ്ങളായി മുറിച്ച് കഴുകി വയ്ക്കുക. ഇതില്‍ ഉപ്പ്, മഞ്ഞള്‍പ്പൊടി, മല്ലിപ്പൊടി, മുളകുപൊടി, കുരുമുളകു പൊടി എന്നിവ പുരട്ടി അരമണിക്കൂര്‍ വയ്ക്കണം. ഇത് കുക്കറില്‍ വേവിച്ചെടുക്കുക. ഒരു പാത്രത്തില്‍ എണ്ണ ചൂടാക്കി ഇതിലേക്ക് സവാള, ഇഞ്ചി, വെളുത്തുള്ളി പേസ്റ്റ്, പച്ചമുളക് എന്നിവ ചേര്‍ക്കണം. ഇത് നല്ലപോലെ മൂത്ത മണം വരുമ്പോള്‍ തക്കാളി ചേര്‍ത്ത് വഴറ്റുക. തക്കാളി വെന്തുടഞ്ഞാല്‍ മീറ്റ് മസാല ചേര്‍ത്ത് ഇളക്കുക. പിന്നീട് വേവിച്ചുവച്ചിരിക്കുന്ന ഇറച്ചി ചേര്‍ത്ത് വേവിക്കുക. ഇറച്ചിയില്‍ ചാറ് പിടിച്ചു വറ്റി കഴിഞ്ഞാല്‍ കറിവേപ്പിലയും ചേര്‍ത്ത് വാങ്ങി വയ്ക്കാം.
മേമ്പൊടി
ഇഷ്ടമുള്ളവര്‍ക്ക് പാകം ചെയ്ത ശേഷം എണ്ണയില്‍ സവാളയും തക്കാളിയും വഴറ്റി ചേര്‍ക്കാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha