ഗ്രീൻ ടി ഉപയോഗിക്കുമ്പോൾ ഈ കാര്യങ്ങൾ ശ്രദ്ധിക്കാറുണ്ടോ ?
ഗ്രീന്‍ ടീ ധാരാളം ആരോഗ്യ ഗുണങ്ങൾ ഉള്ള പാനീയമാണ് ഗ്രീന്‍ ടീ. അതിനൊപ്പം തന്നെ സൗന്ദര്യ ഗുണങ്ങളും ഗ്രീൻ ടിയിൽ ഉണ്ട്. സാധാരണ ചായയില്‍ നിന്നും വ്യത്യസ്തമായ ഒന്നാണ് ഗ്രീന്‍ ടീ.
അതുകൊണ്ട് തന്നെ അമിതവണ്ണം, കൊളസ്‌ട്രോള്‍, ക്യാന്‍സര്‍, അല്‍ഷിമേഴ്‌സ് തുടങ്ങിയ രോഗങ്ങള്‍ക്കെല്ലാം ഒറ്റമൂലിയാണ് ഗ്രീന്‍ ടീ.ആറോയത്തിനു നല്ലതാണെങ്കിലും ഉപയോഗിക്കേണ്ട രീതിയിൽ ഉപയോഗിച്ചില്ലായെങ്കിൽ ആരോഗ്യത്തിന് ദോഷം ചെയ്യുന്ന ഒന്നുകൂടെയാണ് ഇത്. എങ്ങനെയെല്ലാമാണ് ഗ്രീന്‍ ടീ കഴിക്കേണ്ടത് എന്നു നോക്കാം.
ദിവസം 10 കപ്പില്‍ കൂടുതല്‍ ഗ്രീന്‍ ടീ ഉപയോഗിച്ചാൽ അത് ആരോഗ്യത്തിനു ദോഷം ചെയ്യും. കാരണം ഗ്രീന്‍ ടീയില്‍ ഉയര്‍ന്ന അളവില്‍ ആന്റി ഓക്‌സിഡന്റുകളും പ്രകൃതിദത്ത സസ്യമൂലകങ്ങളും അടങ്ങിയിരിക്കുന്നു. ഇവ അധികമായി ഉപയോഗിച്ചാല്‍ വിഷാംശമുണ്ടാകാനും കരളിന് തകരാറുണ്ടാകാനും കാരണമാകും.
ദിവസവും രാവിലെ കഫീന്‍ കഴിക്കുന്നത് ശരീരത്തിന് ഉന്മേഷം നൽകും എന്നാൽ അതിനൊപ്പം ദോഷം ചെയ്യുകയും ചെയ്യും. ഇത് വയറിന്റെ സന്തുലനാവസ്ഥയെ ബാധിക്കും.അതിനാൽ ഒരു ഗ്ലാസ്സ് ചൂടുവെള്ളത്തില്‍ നാരങ്ങനീരും തേനും ചേര്‍ത്ത് കഴിക്കുകയോ അല്ലെങ്കില്‍ ഏതെങ്കിലും പഴങ്ങള്‍ കഴിക്കുകയോ ചെയ്യുകയാണെങ്കിൽ ഉന്മേഷത്തിനൊപ്പം ആരോഗ്യവും ലഭിക്കുന്നു.
ഭക്ഷണം കഴിച്ച ഉടനേ ഗ്രീന്‍ ടീ കഴിക്കുന്നത് നല്ല ശീലമല്ല. ഭക്ഷണം കഴിച്ചയുടനേ ഗ്രീന്‍ ടീ കഴിക്കുന്നത് പോഷകങ്ങളുടെ ആഗിരണത്തെ തടയുകയും വയറ്റിലുണ്ടാകുന്ന സ്രവങ്ങളെ നേര്‍പ്പിക്കുന്നത് വഴി ദഹനത്തിന് തടസ്സമുണ്ടാകുകയും ചെയ്യും. അതിനാൽ ഭക്ഷണം കഴിക്കുന്നതിന് 30 മിനുട്ട് മുമ്പെങ്കിലും ഗ്രീന്‍ ടീ കുടിക്കുന്നതാണ് ആരോഗ്യത്തിനു നല്ലത്.
വൈകുന്നേരം ഏറെ താമസിച്ച് ഗ്രീന്‍ ടീ കഴിക്കുന്നത് ഉറക്കത്തെ ബാധിക്കുകയും മാനസിക സമ്മര്‍ദ്ദം വര്‍ദ്ധിപ്പിക്കുകയും ചെയ്യും.
ഉപയോഗിച്ച ടീ ബാഗിലെ കഫീനിന്റെ അളവ് വളരെ കൂടുതലായിരിക്കും. അതിനാൽ രു ടീ ബാഗ് രണ്ട് തവണയില്‍ കൂടുതല്‍ ഉപയോഗിക്കുന്നത് അണുബാധക്കു കാരണമാകും.
ഗ്രീന്‍ ടീ മൂത്രം വര്‍ദ്ധിപ്പിക്കാന്‍ കാരണമാകുന്നു അതിനാൽ ഇടക്കിടെ മൂത്രമൊഴിക്കേണ്ടി വരും. അതിനാൽ ശരീരത്തിന് കൂടുതല്‍ ജലാംശം ലഭ്യമാക്കാന്‍ കൂടുതല്‍ വെള്ളം കുടിക്കേണ്ടത് അത്യാവശ്യമാണ്.
ഗ്രീന്‍ ടീക്കു രുചികൂട്ടാൻ പഞ്ചസാര, പാല്‍ എന്നിവ ഒപ്പം ചേര്‍ക്കാതിരിക്കുക. പകരം ഇതില്‍ ചെറുനാരങ്ങാനീര്, അല്‍പം തേന്‍ എന്നിവ ചേര്‍ക്കുന്നത് രുചി നല്‍കും.ഒപ്പം ആരോഗ്യത്തിനും നല്ലതാണ്.
https://www.facebook.com/Malayalivartha
