ചൂടുകാലത്തും തണുപ്പുകാലത്തും അമിതമായി വിയർത്തൊഴുകുന്നവരാണോ നിങ്ങൾ, എന്താണ് ഇതിന്റെ കാരണം എന്ന് തേടുന്നവരാണോ നിങ്ങൾ..അവ എന്തൊക്കെയെന്ന് മനസിലാക്കാം…
അമിതമായ ഉത്കണ്ഠയോ ക്ഷീണമോ ഉള്ളവര്‍ എളുപ്പത്തില്‍ വിയര്‍ക്കുന്നു. വിയര്‍പ്പ് ഗ്രന്ഥികള്‍ ഇത്തരക്കാരില്‍ സാധാരണയില്‍ കവിഞ്ഞ് പ്രവര്‍ത്തിക്കുന്നതാണ് ഇതിന് കാരണം. ഗര്‍ഭിണികള്‍ കൂടുതലായി വിയര്‍ക്കുന്നതിന് പിന്നില്‍, ഗര്‍ഭകാലത്ത് ആകെ ഹോര്‍മോണുകളുടെ അളവില്‍ പല വ്യത്യാസങ്ങളും കാണുന്നതും ശരീരത്തിലെ മറ്റ് പ്രവര്‍ത്തനങ്ങള്‍ സാധാരണ രീതിയില്‍ നിന്ന് വ്യത്യസ്തമാകുന്നതുമാണ് കാരണം.
ഹോര്‍മോണുകളുടെ വ്യത്യാസം കൊണ്ട് ആര്‍ത്തവ വിരാമം നേരിടുന്ന സ്ത്രീകളും അമിതമായി വിയര്‍ക്കും. ആര്‍ത്തവ വിരാമത്തിന്റെ സമയം കഴിഞ്ഞ്, ഹോര്‍മോണ്‍ ഉത്പാദനം പഴയ രീതിയിലേക്ക് തിരിച്ചു വരുമ്ബോള്‍ ഈ പ്രശ്‌നം മാറുന്നു. എന്നാല്‍, ചിലരില്‍ ആര്‍ത്തവ വിരാമത്തിന് മുന്നോടിയായി തന്നെ അമിത വിയര്‍ക്കലുള്‍പ്പെടെയുള്ള ശാരീരിക വ്യതിയാനങ്ങള്‍ ഉണ്ടാകുന്നു.
രക്തത്തില്‍ പഞ്ചസാരയുടെ അളവ് താഴുന്ന സാഹചര്യത്തിലും അസുഖകരമായ ഉറക്കവും ശരീരം മുഴുവന്‍ വിയര്‍ക്കുവാന്‍ കാരണമാകും. ഇത് കൂടാതെ, പല തരത്തിലുള്ള മരുന്നുകള്‍ കഴിക്കുമ്ബോള്‍ ഉണ്ടാകുന്ന ദോഷഫലമായി അമിതമായ വിയര്‍പ്പ് ഉണ്ടാകും. മരുന്നു കഴിച്ച്‌ തീരുന്നതോടെ ഈ പ്രശ്‌നം മാറിക്കിട്ടും.
പ്രത്യേക തരത്തിലുള്ള ഭക്ഷണം, ഉദാഹരണത്തിന് മസാല ചേര്‍ത്തവ, കഫീന്‍ ചേര്‍ത്തവ, ആല്‍ക്കഹോള്‍ കലര്‍ത്തിയവ എന്നിവ കഴിക്കുന്നതും അമിതമായ വിയര്‍പ്പുണ്ടാക്കും.
https://www.facebook.com/Malayalivartha
