മുടിയെ സ്നേഹിക്കുന്നവർ നേരിടുന്ന വലിയൊരു വെല്ലുവിളിയാണ് താരൻ . ഇതിനെ അകറ്റാൻ നിരവധി വഴികളാണ് ഓരോരുത്തരും തേടുന്നത്. ഈ താരൻ അകറ്റാൻ ഫലപ്രദമായ ഒരു വഴിയാണ് ഇഞ്ചി. മാത്രമല്ല ഇത് പ്രകൃതിദത്തമായ അണുനാശിനി കൂടിയാണ്. അതിനാൽ തന്നെ ഈസ്റ്റിനെയും അണുബാധയെയും അകറ്റി നിങ്ങളുടെ തലയോട്ടിയെ വൃത്തിയാക്കി സൂക്ഷിക്കാൻ മുന്നിലാണ് ഇഞ്ചി.

ഇഞ്ചിയുടെ വേരിൽ മഗ്നീഷ്യം, പൊട്ടാസ്യം, ഫോസ്ഫറസ് തുടങ്ങി മുടിയുടെ വളർച്ചയ്ക്ക് ആവശ്യമായ വിറ്റാമിനുകളും പോഷകങ്ങളും അടങ്ങിയിട്ടുള്ള ഒന്നാണ്. ഇത് മുടിയെ കൂടുതൽ ബലമുള്ളതും ആരോഗ്യമുള്ളതുമാക്കും. ഒപ്പം തന്നെ മുടി കൊഴിച്ചിൽ തടയുകയും ചെയ്യുന്നു.

ഇതിനു വേണ്ടി 2 സ്പൂൺ ഇഞ്ചിയും 2 സ്പൂൺ വെളിച്ചെണ്ണയും കുറച്ചു നാരങ്ങാനീരുമായി നന്നായി യോജിപ്പിക്കുക. ഇത് പുരട്ടി 30 മിനിട്ടിനു ശേഷം നന്നായി കഴുകുക. തുടർന്ന് ആഴചയിൽ 3 തവണ ഇത് ചെയ്യുക.

അതേസമയം തന്നെ താരനും മുടി കൊഴിച്ചിലും പരസ്പരം ബന്ധപ്പെട്ടു കിടക്കുന്ന ഒന്നാണ്. ഫോളിക്കിളിൽ മൃതകോശങ്ങൾ അടിയുമ്പോൾ മുടി കൊഴിച്ചിലിലേക്ക് നയിക്കുന്നു. എന്നാൽ ഇഞ്ചിയിലെ ആന്റി മൈക്രോബിയൽ സ്വഭാവം താരനകറ്റി മുടി കൊഴിച്ചിലിൽ നിന്നും സംരക്ഷിക്കുന്നു. വരളുമ്പോൾ മുടി ദുർബലപ്പെട്ട് പൊട്ടിപ്പോകാൻ കാരണമാകുന്നു. ഇഞ്ചി വരൾച്ച തടഞ്ഞ് മുടി നനവുള്ളതാക്കുന്നു.