വണ്ണം കുറയ്ക്കുന്ന ആഹാരപദാര്‍ത്ഥങ്ങള്‍...
പുത്തന്‍ തലമുറക്കാര്‍ക്ക് എണ്ണ പലഹാരങ്ങളോടും, ഫാസ്റ്റ് ഫുഡിനോടുമുള്ള ഇഷ്ടം ഒഴിവാക്കാന്‍ കഴിയാതെയായി. ഇക്കാരണത്താല്‍ ഇത്തരം ആഹാരം കഴിക്കുന്നവര്‍ക്ക് അമിത വണ്ണമുണ്ടാകുന്നു.. ശരിയായ ആഹാര ക്രമീകരണവും ആഹാരരീതികളും കൊണ്ട് ഈ അവസ്ഥ മറികടക്കാവുന്നതേയുള്ളൂ. അമിത ഭാരം കുറക്കുന്ന ആഹാരപദാര്‍ത്ഥങ്ങള്‍ ഏതെല്ലാമെന്നു നോക്കാം
ആഹാരത്തില്‍ ബദാം പോലുള്ളവ ഉള്‍പ്പെടുത്തുന്നത് അമിതഭാരം കുറയ്ക്കാന്‍ സഹായിക്കുമെന്നാണ്് പഠനങ്ങള്‍ തെളിയിക്കുന്നത്. ബദാം കുതിര്‍ത്തു കഴിക്കുന്നതാണ് ഉത്തമം.
ദിവസവും ഒരുനേരമെങ്കിലും ഓട്‌സ് കഴിക്കുക. ഓട്‌സില്‍ ധാരാളം ഫൈബറുണ്ട്. ഇത് എളുപ്പത്തില്‍ ദഹിക്കും. പ്രമേഹം, കോളസ്‌ടോള്‍ തുടങ്ങിയ രോഗമുള്ളവര്‍ക്ക് ഓട്‌സ് ഉത്തമമാണ്.
ആപ്പിളിന്റെ തൊലിപ്പുറത്തുള്ള അര്‍സോളിക്ക് ആസിഡ് അമിതഭാരം കുറയ്ക്കുന്നതിനു സഹായിക്കുന്നുവെന്നാണു പഠനങ്ങള്‍. കൂടാതെ ഇതിലുള്ള പെക്റ്റണ്‍ രക്തത്തിലെ പഞ്ചസാരയുടെ അളവ് കുറക്കുന്നതിനും സഹായിക്കുന്നു.
കുരുമുളക്, കറുവപ്പട്ട എന്നിവ ശരീരത്തിലെ മെറ്റബോളിസം വര്‍ധിപ്പിക്കുന്നതിനും, ആവശ്യമില്ലാത്ത കൊഴുപ്പ് നശിപ്പിക്കുന്നതിനും സഹായിക്കുന്നു. പാലില്‍ ശുദ്ധമായ മഞ്ഞള്‍പൊടി ചേര്‍ത്ത് കഴിക്കുന്നതു പ്രായമേറുംതോറും ശരീരത്തിലെ മെറ്റബോളിസം കുറയുന്ന അവസ്ഥയ്ക്ക് പരിഹാരമാണ്.
മാതളം ആന്റിഓക്‌സിസിഡന്റിന്റെ കലവറയാണ്. ഫോളിഫിനോള്‍സ്, ലിനോണിക്ക് ആസിഡ് കൂടുതയായി മാതളത്തില്‍ കാണപ്പെടുന്നു. ഇതും ശരീരത്തിലെ ആവശ്യമില്ലാത്ത കൊഴുപ്പിനെ നശിപ്പിക്കുന്നു
ആഴ്ചയില്‍ ഒരിക്കലെങ്കിലും മിന്റ്( കര്‍പ്പൂര തുളസി) ചായ കുടിക്കാന്‍ ശീലിക്കുക. ഇത് മാനസിക ശാരീരിക ഉന്‍മേഷത്തിനു സഹായിക്കും.
ദിവസവും ഒരു മുട്ടയെങ്കിലും കഴിക്കാന്‍ ശീലിക്കുക. മുട്ടയില്‍ ധാരാളം അമിനോ ആസിഡുണ്ട്. വിറ്റാമിന്‍ സിയും മിനെറല്‍സും ധാരാളം മുട്ടയില്‍ അടങ്ങിയിരിക്കുന്നു.
പയറുവര്‍ഗങ്ങള്‍ ധാരാളം ആഹാരത്തില്‍ ഉള്‍കൊള്ളിക്കുക. ഇവയില്‍ ധാരാളം ഫൈബര്‍, വിറ്റാമിന്‍ ബി കോപ്ലക്‌സ്, കാര്‍ബോഹൈട്രേറ്റ് എന്നിവ അടങ്ങിയിരിക്കുന്നു. ഇത് ഹ്യദയാരോഗ്യത്തിനും, കാന്‍സറിനെ പ്രതിരോധിക്കാനും, അമിതഭാരം കുറക്കുന്നതിനും സഹായിക്കുന്നു
https://www.facebook.com/Malayalivartha
