ശീതളപാനീയങ്ങള്‍ വൃക്കകള്‍ക്ക്‌ ദോഷം ചെയ്യുമെന്ന്‌ പഠന റിപ്പോര്‍ട്ട്‌. ജപ്പാനിലെ ഒസാക മെഡിക്കല്‍ സര്‍വകലാശാലയിലെ ഗവേഷകരാണ്‌ ഇതുസംബന്ധിച്ച്‌ പഠനം നടത്തിയത്‌. ദിവസത്തില്‍ രണ്ടോ അതില്‍ കൂടുതലോ തവണ ഇത്തരം പാനീയങ്ങള്‍ ഉപയോഗിക്കുന്നവരുടെ മൂത്രത്തില്‍ കൊഴുപ്പ്‌ വളരെയധികം വര്‍ധിക്കുന്നു എന്നാണ്‌ പഠനത്തില്‍ കണ്ടെത്തിയിരിക്കുന്നത്‌. അളവില്‍കൂടുതല്‍ കൊഴുപ്പ്‌ വൃക്കകളുടെ പ്രവര്‍ത്തനത്തെ സാരമായി ബാധിക്കും. മൂന്നുവര്‍ഷം നീണ്ടുനില്‍ക്കുന്നതായിരുന്നു പഠനം.