മദ്യപിച്ചാല്‍ ഉറക്കം കിട്ടുമെന്ന് കരുതുന്നവര്‍ക്ക് തെറ്റി. മദ്യപാനം ഉറക്കം ഇല്ലാതാക്കുമെന്നാണ് പഠനം. മദ്യപാനവും മറ്റ് ലഹരിവസ്തുക്കളുടെ ഉപയോഗവും യുവാക്കളുടെ ഉറക്കത്തെ ബാധിക്കുന്നതായി പഠനത്തില്‍ കണ്ടെത്തി. തെക്കന്‍ കാലിഫോര്‍ണിയയിലെ മൂന്ന് ജില്ലകളില്‍പ്പെട്ട 16 സ്‌കൂളുകളെയാണ് പഠനത്തിന്റെ പരിധിയില്‍പ്പെടുത്തിയത്.

നല്ല ഉറക്കത്തെ തടസ്സപ്പെടുത്തുന്നതില്‍ മദ്യപാനത്തിന് വലിയ പങ്കുള്ളതായി അമേരിക്ക കേന്ദ്രമായി പ്രവര്‍ത്തിക്കുന്ന സന്നദ്ധസംഘടനയായ റാന്റ് കോര്‍പ്പറേഷന്‍ പറയുന്നു. മദ്യപാനവും ലഹരിവസ്തുവായ മരിജുവാനയുടെ ഉപയോഗവും യുവാക്കളില്‍ മാനസികസമ്മര്‍ദമുണ്ടാക്കുന്നതായും സംഘന നടത്തിയ ഗവേഷണത്തില്‍ കണ്ടെത്തി. ഉറക്കം കുറയുന്നതും വൈകി എഴുന്നേല്‍ക്കുന്നതും ലഹരിക്ക് അടിമപ്പെടുന്നതുകൊണ്ടാണെന്ന് ഗവേഷകര്‍ വ്യക്തമാക്കുന്നു.