പ്രായം കൂടുന്തോറും സ്ത്രീകളില്‍ ലൈംഗീക ആസ്വാദനം കുറയും എന്നാല്‍ പൊതുവെ പറയുന്നത്. സ്ത്രീകള്‍ ലൈംഗികത ആസ്വദിക്കുന്നത് ഏറ്റവും കൂടുതല്‍ അവരുടെ 20 വയസിനും 30 വയസിനും ഇടയിലാണ് എന്നാണു ധാരണ. എന്നാല്‍ ആ ധാരണ തെറ്റാണെന്നാണ് പഠനങ്ങള്‍ പറയുന്നത്. സ്ത്രീകള്‍ ഏറ്റവും കൂടുതല്‍ ലൈംഗികത ആസ്വദിക്കുന്നത് 36 വയസിലാണ് എന്നാണ് പഠനങ്ങള്‍ വെളിപ്പെടുത്തുന്നത്.

2600 സ്ത്രീകളെ ഉള്‍പ്പെടുത്തി നാച്ച്വറല്‍ സൈക്കിള്‍സ് എന്ന ആപ് നടത്തിയ സര്‍വെയിലാണ് ഇതു വ്യക്തമായത്. എത്രമാത്രം സംതൃപ്തിയാണു ലൈംഗിക ജീവിതത്തില്‍ ലഭിക്കുന്നത് എന്ന ചോദ്യത്തിനു 36 വയസ് പൂര്‍ത്തിയായവരില്‍ പത്തില്‍ എട്ടു പേരും ആത്മവിശ്വാസവും ലൈംഗികാസ്വാദനവും ലഭിച്ചു എന്ന മറുപടിയാണു പറയുന്നത്.

23 നും 35 നും ഇടയിലുള്ളവര്‍ 76 ശതമാനം പേരാണു സംതൃപതരായിട്ടുള്ളത്. 23 വയസില്‍ താഴെയുള്ളവരിലാകട്ടെ അതു 56 ശതമാനമാണ്. മൂന്നില്‍ ഒന്നു സ്ത്രീകള്‍ക്കു കൂടുതല്‍ സമയവും പത്തിലൊന്നു സ്ത്രീകള്‍ പെട്ടെന്നുള്ള ലൈംഗിക ആസ്വാദനവും ഇഷ്ടപ്പെടുന്നവരാണ് എന്നും പഠനം കണ്ടെത്തി.