ഗര്‍ഭിണികള്‍ക്കായി പുതിയ ആരോഗ്യസംരക്ഷണസംവിധാനമെത്തുന്നു. ഇനി ഗര്‍ഭകാലത്തെ ആകാംക്ഷയും മാനസികപിരിമുറുക്കവും മറക്കാം. മുംബൈയിലെ ലോകമാന്യതിലക് മുനിസിപ്പല്‍ ജനറല്‍ ഹോസ്പിറ്റലാണ് ഭ്രൂണത്തെ കൃത്യമായി നിരീക്ഷിക്കുന്ന വയര്‍ലെസ് സംവിധാനം ഇന്ത്യയിലാദ്യമായി അവതരിപ്പിക്കുന്നത്. ഈ സംവിധാനം വികസിപ്പിച്ചെടുത്തത് നോട്ടിങ്ങാം സര്‍വകലാശാലയാണ്.

'മോണിക്ക'യെന്നാണ് ഭ്രൂണം നിരീക്ഷിക്കുകയും ശ്രദ്ധിക്കുകയുംചെയ്യുന്ന സംവിധാനം അറിയപ്പെടുന്നത്. രാജ്യത്ത് ആദ്യമായിട്ടാണ് ഇങ്ങനൊരു സംവിധാനം ഗര്‍ഭിണികള്‍ക്കായി ഒരുങ്ങുന്നത്. ഇ.സി.ജി. പ്രവര്‍ത്തിക്കുംപോലെയാണ് ഇതു പ്രവര്‍ത്തിപ്പിക്കുക. അമ്മയുടെയും കുഞ്ഞിന്റെയും ഹൃദയമിടിപ്പ് തുടങ്ങി എല്ലാവിവരങ്ങളുമറിയാനാകും. അതുവഴി അപകടങ്ങളും കുറയ്ക്കാനാവും