ആര്‍ത്തവം താളം തെറ്റുന്നതിന്റെ കാരണങ്ങള്‍
ആര്‍ത്തവം എന്നത് ഒരു പെണ്‍കുട്ടി പ്രത്യുത്പാദന ശേഷി കൈവരിച്ചു എന്നതിന്റെ ലക്ഷണമാണ്. ചില ഹോര്‍മോണുകളുടെ സഹായത്തോടെ നടക്കുന്ന സങ്കീര്‍ണ്ണമായ പ്രവര്‍ത്തനമാണ് ആര്‍ത്തവം. സാധാരണ ഗതിയില്‍ ഒരു ആര്‍ത്തവചക്രത്തിന്റെ ദൈര്‍ഘ്യം 28 ദിവസമാണ്. സാധാരണ മാസത്തില്‍ ഒരിക്കല്‍ മാത്രം സംഭവിക്കുന്ന ഈ പ്രക്രിയ പലര്‍ക്കും താളം തെറ്റി വരാറുണ്ട്. ഇതിന്ററെ കാരണങ്ങളെക്കുറിച്ച് പലര്‍ക്കും അറിയില്ല. എന്നാല്‍ ഇതിന് ഒരു പരിധിവരെ കാരണം ഭക്ഷണമാണ്.
ആര്‍ത്തവ സമയത്ത് കഴിക്കാന്‍ പറ്റുന്ന ഭക്ഷണ ഇനങ്ങള്‍ ഉണ്ട്. ധാരാളം വൈറ്റമിന്‍ ഡിയും കാല്‍സ്യവും അടങ്ങിയിട്ടുള്ള ഭക്ഷണമാണ് ഓറഞ്ച്. ഓറഞ്ചില്‍ അടങ്ങിയിട്ടുള്ള കാല്‍സ്യം മാനസിക സമ്മര്‍ദ്ദം ലഘൂകരിക്കുകയും ശരീരത്തിനും മനസ്സിനും ഒരുപോലെ സുഖം നല്‍കുകയും ചെയ്യുന്നു. പ്രകൃതിദത്തമായ ചേരുവകള്‍ അടങ്ങിയിട്ടുള്ള ഭക്ഷണമാണ് തണ്ണിമത്തന്‍. ഇത് ആര്‍ത്തവ കാലത്തുണ്ടാകുന്ന നീര്‍ക്കെട്ട്, ക്ഷീണം എന്നിവ അകറ്റാന്‍ തണ്ണിമത്തനുകള്‍ ഏറെ ഉപകരിക്കും. ശരീരത്തിനും മാനസികോല്ലാസത്തിനും അത്യന്താപേക്ഷിതമായ മഗ്‌നീഷ്യം ധാന്യങ്ങളില്‍ ധാരാളം അടങ്ങിയിട്ടുണ്ട്.
പേശീമുറുക്കം ഉള്‍പ്പടെയുള്ള ശാരീരിക പ്രശ്‌നങ്ങള്‍ ഒഴിവാക്കാന്‍ മഗ്‌നീഷ്യത്തിന് സാധിക്കും. റൊട്ടിയില്‍ അടങ്ങിയിട്ടുള്ള വൈറ്റമിന്‍ ബി, ഇ എന്നിവ ക്ഷീണം ഒഴിവാക്കാന്‍ സഹായിക്കുന്നു. പേശീമുറുക്കവും മാനസിക സമ്മര്‍ദ്ദവും ലഘൂകരിക്കാന്‍ ചായ നല്ലതാണ്. ജിഞ്ചര്‍ ടീ ആണെങ്കില്‍ അത്യുത്തമം. വൈറ്റമിന്‍ ബി6, മഗ്‌നീഷ്യം, പൊട്ടാസ്യം എന്നിവയുടെ കലവറയാണ് ഏത്തപ്പഴം. ആര്‍ത്തവ കാലത്ത് നിര്‍ജലീകരണം, നിര്‍ക്കെട്ട് എന്നിവ ഉണ്ടാകുക സ്വാഭാവികമാണ്. ഈ പ്രശ്‌നങ്ങള്‍ പരിഹരിക്കാന്‍ ഏത്തപ്പഴം സഹായിക്കുന്നു.
https://www.facebook.com/Malayalivartha
