സ്‌കൈ വോക്ക് വരുന്നു
31 AUGUST 2017 03:46 PM IST
മലയാളി വാര്‍ത്ത
സാഹസികതയുടെ പുതിയ ഉയരം സഞ്ചാരികള്‍ക്ക് സമ്മാനിക്കാന്‍ ദുബായില്‍ സ്‌കൈ വോക്ക് വരുന്നു. ഇമാര്‍ ഗ്രൂപ്പാണ് ബുര്‍ജ് ഖലീഫയ്ക്ക് സമീപം 200 മീറ്റര്‍ ഉയരത്തില്‍ സ്‌കൈവോക്ക് ഒരുക്കുന്നത്. സഞ്ചാരികളുടെ സുരക്ഷയ്ക്കായി പ്രത്യേകം തയാറാക്കിയ ബെല്‍റ്റ് ഉപയോഗിച്ച് സ്‌കൈ വോക്കിന്റെ പ്ലാറ്റ് ഫോമില്‍ ബന്ധിപ്പിക്കും. രാജ്യാന്തര രംഗത്തെ 300 നിര്‍മാണ, രൂപകല്‍പന, സാങ്കേതികവിദ്യവിദഗ്ധര്‍ ഒരു വര്‍ഷമെടുത്താണ് പദ്ധതിയുടെ ആദ്യഘട്ടം പൂര്‍ത്തിയാക്കിയത്.
സ്‌കൈ വോക്കിന്റെ ഭാഗങ്ങള്‍ താഴെ വച്ച് സംയോജിപ്പിച്ച ശേഷം ശക്തിയേറിയ ക്രെയിന്‍ ഉപയോഗിച്ച് 200 മീറ്റര്‍ മുകളിലേക്ക് എത്തിച്ച് ഉറപ്പിക്കുകയായിരുന്നു. സ്‌കൈ വോക്കിനോട് ചേര്‍ന്ന് 85 മീറ്റര്‍ നീളമുള്ള സ്‌കൈ ബ്രിഡ്ജും തയാറായി വരികയാണ്. എട്ട് ആഡംബര അപ്പാര്‍ട്ട്‌മെന്റുകളും നീന്തല്‍ കുളവുമാണ് സ്‌കൈ ബ്രിഡ്ജിലുണ്ടാവുക.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
