സ്വീറ്റ് ബോള്‍ എന്ന് കേള്‍ക്കുമ്പോള്‍ തന്നെ അതിമധുരമാകും എന്നായിരിക്കും ചിന്തിക്കുന്നത്. എന്നാല്‍ ആവശ്യത്തിന് മാത്രം മധുരം ഉപയോഗിച്ച് വീട്ടില്‍ തന്നെ വളരെ എളുപ്പത്തില്‍ തയ്യാറാക്കാവുന്ന ഒരു വിഭവമാണ് സ്വീറ്റ് ബോള്‍. എങ്ങനെ ഇത് തയ്യാറാക്കാമെന്ന് നോക്കാം.

തയ്യാറാക്കാന്‍ വേണ്ട സാധനങ്ങള്‍ :

ചോറ് - 1 കപ്പ്
മൈദ - 1 കപ്പ്
മുട്ട - മൂന്ന് എണ്ണം
ബേക്കിങ് പൗഡര്‍ - 1 ടീസ്പൂണ്‍
ഏലക്ക - 1/4 ടീസ്പൂണ്‍
പഞ്ചസാര - ആവശ്യത്തിന്
എണ്ണ - വറുക്കാന്‍ ആവശ്യത്തിന്

തയ്യാറാക്കുന്ന വിധം :

ചേരുവകള്‍ എല്ലാം ചേര്‍ത്ത് മിക്‌സിയില്‍ നല്ല കട്ടിക്ക് അരച്ചെടുക്കുക. എന്നിട്ട് കുറേശ്ശെ നുളളിയെടുത്ത് ചൂടായ എണ്ണയില്‍ ഇട്ട് ഡീപ് ഫ്രൈ ചെയ്‌തെടുക്കുക.