സുരക്ഷാ ജീവനക്കാരുടെ കണ്ണ് വെട്ടിച്ച് മൈതാനത്ത് കടന്ന ആരാധകന്‍ ഇന്ത്യന്‍ ക്രിക്കറ്റ് ടീം നായകന്‍ വീരാട് കോഹ്‌ലിയെ ചുംബിക്കാന്‍ ശ്രമിച്ചു, താരം തടഞ്ഞപ്പോള്‍ സെല്‍ഫിവേണമെന്നായി, ഇന്ത്യ - വിന്‍ഡീസ് ആദ്യ ടെസ്റ്റ് നടന്ന രാജ്‌കോട്ടിലും രണ്ട് പേര്‍ ഇതേ രീതിയില്‍ മൈതാനത്തെത്തിയിരുന്നു
അനുഷ്‌ക്കാ ശര്‍മയെങ്ങാനും ഇത് കണ്ടാല്‍ ഞെട്ടിത്തരിച്ച് പോയേനേ... സുരക്ഷാ ജീവനക്കാരുടെ കണ്ണ് വെട്ടിച്ച് മൈതാനത്തെത്തിയ ആരാധകന്‍ ഇന്ത്യന്‍ ക്രിക്കറ്റ് ടീം ക്യാപ്ടന്‍ വീരാട് കോഹ്‌ലിയെ ചുംബിക്കാന്‍ ശ്രമിച്ചു. ഹൈദരാബാദില്‍ നടക്കുന്ന ഇന്ത്യാ- വെസ്റ്റ് ഇന്‍ഡീസ് ടെസ്റ്റ് മല്‍സരത്തിനിടെയായിരുന്നു സംഭവം. മൈതാനത്തേക്ക് ഓടിയെത്തിയ ആരാധകന്‍ കൈകള്‍ ഉയര്‍ത്തി താരത്തെ കെട്ടിപ്പിടിക്കാന്‍ ്ശ്രമിച്ചു. മറ്റ് കളിക്കാരും അംമ്പയറും ഓടിയെത്തി. ചുംബന ശ്രമം കോഹ്‌ലി തന്നെ തടഞ്ഞു.
ടോസ് നേടിയ വെസ്റ്റ് ഇന്‍ഡീസ് ബാറ്റു ചെയ്യുന്നതിനിടെയാണ് കാണികളിലൊരാള്‍ മൈതാനത്ത് നിന്ന കോഹ്‌ലിയുടെ അടുത്തേക്ക് പാഞ്ഞടുത്തത്. ഇയാളെ തള്ളിമാറ്റാന്‍ ക്യാപ്റ്റന്‍ ആദ്യം ശ്രമിച്ചു. തുടര്‍ന്ന് സെല്‍ഫിക്കായി ആരാധകന്‍ ഫോണ്‍ ഉയര്‍ത്തി. അപ്പോഴേക്കും ഓടിയെത്തിയ സുരക്ഷാ ഉദ്യോഗസ്ഥര്‍ ആരാധകനെ മൈതാനത്തിന് പുറത്തേക്ക് കൂട്ടിക്കൊണ്ടുപോയി. രാജ്‌കോട്ടില്‍ ഒന്നാം ക്രിക്കറ്റ് ടെസ്റ്റ് നടന്നപ്പോഴും ഇത് പോലെ രണ്ട് ആരാധകര്‍ പരാക്രമം നടത്തിയിരുന്നു. പക്ഷെ, അന്നവര്‍ സെല്‍ഫിയുമായാണ് മടങ്ങിയത്. ഇന്ത്യന്‍ നായകന്റെ ഭാര്യ അനുഷ്‌കാ ശര്‍മ ഈ ദൃശ്യങ്ങള്‍ വീഡിയോയിലൂടെ കണ്ട് ആസ്വദിച്ചെന്നാണ് റിപ്പോര്‍ട്ട്.
https://www.facebook.com/Malayalivartha
