തിരുവനന്തപുരം: പൂജപ്പുര സെൻട്രൽ ജയിലിൽ വിചാരണത്തടവുകാരനായി കഴിഞ്ഞിരുന്ന കേഡൽ ജീൻസൺ രാജയെ ഗുരുതരാവസ്ഥയിൽ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ജന്നി രോഗമുള്ള കേഡലിന് ജന്നി ഉണ്ടായതിനെ തുടർന്ന് ഭക്ഷണപദാർത്ഥം ശ്വാസകോശത്തിൽ കുടുങ്ങുകയായിരുന്നു. ഗുരുതരാവസ്ഥയിലായ കേഡലിൽ ഇപ്പോൾ ഐ സി യു വിൽ വെന്റിലേറ്ററിലാണ്. വെന്റിലേറ്ററിൽ കഴിയുന്ന കേഡലിന്റെ നിലഅതീവ ഗുരുതരമാണെന്ന് ഡോക്ടർമാർ പറയുന്നു 

കഴിഞ്ഞ ഏപ്രില്‍ 9ന് പുലര്‍ച്ചെയാണ് ജിന്‍സണ്‍ തന്‍റെ അച്ഛന്‍ പ്രൊഫ. രാജാതങ്കം, അമ്മ ജീന്‍ പത്മ, സഹോദരി കരോളിന്‍, ബന്ധുവും ബാധിരയുമായ ലളിത എന്നിവരെ വെട്ടിക്കൊലപ്പെടുത്തിയത്. ശേഷം ഇവരെ ചുട്ടുകരിക്കുകയായിരുന്നു.

മൂന്നുപേരുടെ മൃതദേഹം കത്തിക്കരിഞ്ഞ നിലയിലും ഒരാളുടേത്‌ കിടക്കവിരിയില്‍ പൊതിഞ്ഞ നിലയിലുമാണ് കണ്ടെത്തിയത്. സംഭവത്തിനുശേഷം നാടുവിട്ട ജിന്‍സണ്‍ രാജ കീഴടങ്ങാനായി എത്തിയപ്പോള്‍ പൊലീസ് അറസ്റ്റ് ചെയ്യുകയായിരുന്നു.