പല പ്രാവശ്യം ഒരു സ്‌കൂളില്‍ കണ്ടിട്ടുള്ള സംഭവമാണ് എഴുതുന്നത്. പ്രായപൂര്‍ത്തിയായ കുട്ടികള്‍ പഠിക്കുന്ന തിരുവനന്തപുരത്തെ വിദ്യാലയം. നന്നായി പഠിപ്പിക്കുന്ന ഒരു അധ്യാപകന്‍. ആകെയുള്ള ഒരു പ്രശ്‌നം അയാള്‍ ആണ്‍കുട്ടികളെ കാണുമ്പോള്‍ ചിരിച്ചോണ്ട് വയറില്‍ കേറിപ്പിടിക്കും. ചിലപ്പോള്‍ പിടിച്ച് തിരിക്കും ! ഒരു കുട്ടിപോലും ഇതുവരെ അയാളോട് തിരിച്ചൊന്നും പറഞ്ഞുകേട്ടിട്ടില്ല. എന്നാല്‍ ഇവര്‍ പുറത്ത് പറഞ്ഞുനടക്കുന്നത് എന്തൊക്കെയാണെന്നൊ ? ഡോ.ജെ.എസ് വീണ പോസ്റ്റിലൂടെ പറയുന്നകാര്യങ്ങള്‍ ഞെട്ടിപ്പിക്കുന്നു. 

'അയാള്‍ കു@$%നാണെന്ന് തോന്നുന്നു. 
എന്നാ പിടിയാ. 
വല്ലോം പറയാന്‍ പറ്റുമോ. മാര്‍ക്ക് കുറച്ചാലോ. മര്യാദക്ക് മാര്‍ക്കിടുന്ന ഒരാളെ പിണക്കണോ. 
വേറെ കുഴപ്പമൊന്നുമില്ലാലോ. ഇത് സഹിക്കാം. 
മറ്റു കാര്യങ്ങളില്‍ എല്ലാം സപ്പോര്‍ട്ട് ആണല്ലോ.'

കു#@$ന്‍ എന്ന വാക്ക് എത്രമാത്രം വൃത്തികെട്ടതാണെന്ന്് കൃത്യമായി മനസ്സിലാക്കേണ്ട ഒരു പ്രായത്തില്‍ ആണ് കുട്ടികള്‍ ഇങ്ങനെ പറഞ്ഞു നടക്കുന്നതെന്നും വിഷമമുണ്ടാക്കുന്നു. സെക്ഷ്വല്‍ ഓറിയന്റേഷന്‍ ആന്‍ഡ് ജെന്‍ഡര്‍ ഐഡന്റിറ്റി ഉള്‍പ്പെടുത്തണം സിലബസ്സില്‍. വിദ്യാഭ്യാസവകുപ്പാണ് തീരുമാനമെടുക്കേണ്ടത്. മെഡിക്കല്‍ കൗണ്‍സില്‍ ഓഫ് ഇന്ത്യയും ഇത് സീരിയസ് ആയി എടുക്കണം.

ഒരാള്‍ എത്ര നല്ലവന്‍ ആയാലും ശരി, മറ്റൊരാളുടെ സമ്മതം കൃത്യമായി ചോദിച്ചറിയാതെ വയറില്‍ കേറിപ്പിടിക്കുന്നത് ശരിയാണോ ? 
ഇനി, സമ്മതം ഉണ്ടെന്ന രീതിയില്‍ ആണ് പ്രായപൂര്‍ത്തിയായ വിദ്യാര്‍ത്ഥിയുടെ പെരുമാറ്റം എങ്കില്‍ തന്നെ, പരീക്ഷകളില്‍ മാര്‍ക്ക് ഇടുന്നുവെന്ന ഉത്തരവാദിത്തമുള്ള ജോലിയാണെന്ന ഭയം കൊണ്ടെങ്കിലും, ഈ പിടുത്തം അരോചകമാണെന്ന് എന്നെങ്കിലും തോന്നുമ്പോള്‍ അത് പ്രകടിപ്പിക്കാന്‍ വിദ്യാര്‍ത്ഥികള്‍ക്ക് കഴിയാതെ വരില്ലേ ? 
ഗുഡ് ടച്ചിന്റെ പരിധിയില്‍ വരുന്ന കാര്യമാണ് എല്ലാവരുടെയും മുന്നില്‍ നിന്നാണ് തൊടുന്നതെങ്കില്‍ കുഴപ്പമില്ല എന്ന് ! പക്ഷേ, ഇതൊരു നല്ല നീരീക്ഷണം ആയി അംഗീകരിക്കാന്‍ ബുദ്ധിമുട്ടാണ്.

ആ വിദ്യാലയത്തിലെ ഒരു കുട്ടിയുടെ മെസ്സേജ് അനുവാദത്തോടെ ഇവിടെ പോസ്റ്റ് ചെയ്തിരിക്കുന്നു.