ആവർത്തിച്ച് പരാതി നൽകിയിട്ടും അധികാരികൾ തിരിഞ്ഞു നോക്കിയില്ല : മൂന്ന് വര്‍ഷം തുടര്‍ച്ചയായി പീഡനത്തിനിരയായ 17 കാരി അക്രമിയില്‍ നിന്നും രക്ഷപ്പെടാന്‍ ആത്മഹത്യ ചെയ്തു
പീഡനത്തിൽ നിന്നും രക്ഷനേടാൻ പെൺകുട്ടി ആത്മഹത്യ ചെയ്തു. പോലീസിൽ പരാതി നൽകിയിട്ടും യാതൊരു വിധ പ്രതികരണവും ഇല്ലാതെ വന്നതോടെ മൂന്ന് വര്‍ഷം തുടര്‍ച്ചയായി പീഡനത്തിനിരയായ 17 കാരി അക്രമിയില്‍ നിന്നും രക്ഷപ്പെടാന്‍ ആത്മഹത്യ ചെയ്തു. ഉത്തർപ്രദേശിലാണ് സംഭവം. കൗനജിൽ രൂപ്‌സിംഗ് എന്നയാള്‍ മൂന്ന് വര്‍ഷമായി പെണ്‍കുട്ടിയെ പലതരം പീഡനത്തിന് ഇരയാക്കുക ആയിരുന്നെന്ന് കുടുംബം ആരോപിച്ചു.
മൂന്ന് വര്‍ഷത്തിനിടയില്‍ ആവര്‍ത്തിച്ചാവര്‍ത്തിച്ച് പരാതി നല്‍കിയിട്ടും പോലീസ് യാതൊരു നടപടിയും സ്വീകരിക്കാതെ വന്നതോടെയാണ് പെൺകുട്ടി ആത്മഹത്യ ചെയ്തത്.
പരാതി നല്‍കിയിട്ടും പോലീസ് നിരുത്തരവാദിത്വ പരമായി പെരുമാറിയത് പെണ്‍കുട്ടിക്ക് മേല്‍ അക്രമം നടത്താന്‍ അക്രമിക്ക് പ്രോത്സാഹനമായി മാറുകയായിരുന്നു. പോലീസില്‍ പരാതിപ്പെട്ടാൽ കൊലപ്പെടുത്തുമെന്നും യുവാവ് പെണ്‍കുട്ടിയെ ഭീഷണിപ്പെടുത്തിയിരുന്നു. എന്നാൽ പെണ്‍കുട്ടി മരിച്ചതോടെ പോലീസ് കേസെടുത്ത് അന്വേഷണം തുടങ്ങി.
https://www.facebook.com/Malayalivartha
