തെങ്കാശി പാവൂർ ഛത്രത്ത് മലയാളി റെയിൽവേ ഗേറ്റ് കീപ്പറെ ലെെംഗികമായി ആക്രമിക്കാൻ ശ്രമിച്ച സംഭവത്തിലെ പ്രതി പിടിയിൽ.
കൊല്ലം പത്തനാപുരം സ്വദേശി അനീഷാണ് പിടിയിലായത്.
ഇയാൾ മുൻപും സമാന സ്വഭാവമുള്ള കേസുകളിൽ പ്രതിയായിട്ടുണ്ടെന്നും കണ്ടെത്തൽ.
തമിഴ്നാട് ചെങ്കോട്ടയിൽ നിന്നാണ് പ്രതിയെ പോലീസ് പിടികൂടിയത്.
4 ദിവസങ്ങൾക്ക് മുൻപാണ് ആളൊഴിഞ്ഞ റയിൽവേ ഗേറ്റിലെ വനിതാ ജീവനക്കാരിക്ക് നേരെ ബലാത്സംഗം ശ്രമം ഉണ്ടാകുന്നത്. യുവതി ഉച്ചത്തിൽ നിലവിളിച്ചതിനെ തുടർന്ന് സംഭവ സ്ഥലത്തു നിന്നും രക്ഷപ്പെട്ട പ്രതിക്കായി പോലീസ് അന്വേഷണം ശക്തമാക്കിയിരുന്നു.
പിടിയിലായ പ്രതി അനീഷിന്റെ കാക്കി പാന്റും പെയിന്റിന്റെ അംശമുള്ള ചെരുപ്പും നിർണ്ണായക തെളിവായി.
മധുരൈ റെയിൽവേ സ്‌പെഷ്യൽ പൊലീസ് ടീമാണ് ഇയാളെ പിടികൂടിയത്.
കുന്നിക്കോട് പൊലീസ് സ്‌റ്റേഷനിൽ രജിസ്റ്റർ ചെയ്ത ലൈംഗിക അതിക്രമ കേസിലെ പ്രതിയാണ് അനീഷ്.
ഈ കേസിൽ ജാമ്യത്തിൽ ഇറങ്ങിയശേഷം ചെങ്കോട്ടയിൽ പെയിൻ്റിംഗ് ജോലിക്ക് എത്തിയപ്പോഴാണ് വനിതാ ഗേറ്റ് കീപ്പറെ ആക്രമിക്കാൻ ശ്രമിച്ചത്.സ്ത്രീകളോട് ലെെംഗിക ഉദ്ദേശ്യത്തോടെ ഇടപെടുന്ന വ്യക്തിയാണ് പ്രതിയെന്നും യുവതി റയിൽവേ ഗേറ്റിൽ ഒറ്റയ്ക്കാണെന്ന് നിരീക്ഷണം നടത്തി ഉറപ്പാക്കിയ ശേഷമാണ് പ്രതി ആക്രമണത്തിന് മുതിർന്നതെന്നും പൊലീസ് അന്വേഷണത്തിൽ തെളിഞ്ഞു. ഇയാളെ കോടതിയിൽ ഹാജരാക്കി റിമാൻഡ് ചെയ്തു. അതേ സമയം യുവതി ഇപ്പോഴും ചികിൽസയിലാണ്. അന്നുണ്ടായ മാനസിക ആഘാതത്തിൽ നിന്നും യുവതി ഇതുവരെയും മുക്തയായിട്ടില്ല.

ബിനുപളളിമൺ