മൊബൈല്‍ ഫോണ്‍ ദുരുപയോഗം ചെയ്‌തു; യു.എ.ഇയില്‍ മലയാളി അറസ്‌റ്റില്‍
24 JULY 2013 04:19 AM IST
മലയാളി വാര്‍ത്ത.
യു.എ.ഇയില്‍ മൊബൈല്‍ ദുരുപയോഗം ചെയ്‌തതിന്‌ മലയാളി യുവാവിനെ അറസ്‌റ്റു ചെയ്‌തു. കൊല്ലം ശക്തികുളങ്ങര സ്വദേശി ജോയി ആന്റണിയാണ്‌ അറസ്‌റ്റിലായത്‌. നാട്ടിലേക്ക് പോകാനിരിക്കെ വീമാനത്താവളത്തില്‍ എത്തിയപ്പോള്‍ എമിഗ്രേഷന്‍ ഉദ്യോഗസ്ഥര്‍ ജോയിയെ കസ്‌റ്റഡിയില്‍ എടുക്കുകയായിരുന്നു. സ്വദേശി വനിതയെ ഫോണില്‍ വിളിച്ച്‌ ശല്യം ചെയ്‌തു എന്നകുറ്റത്തിനാണ്‌ അറസ്റ്റ്. അവരുടെ പരാതിയില്‍ അന്വേഷണം നടത്തിയ പോലീസ്‌ ജോയിയുടെ പേരിലുള്ള സിംകാര്‍ഡില്‍ നിന്നാണ്‌ കോളുകള്‍ വന്നതെന്ന്‌ കണ്ടെത്തി. തുടര്‍ന്നാണ്‌കസ്‌റ്റഡിയില്‍ എടുത്തത്‌.
എന്നാല്‍ അത്‌ തന്റെ സിംകാര്‍ഡ്‌ അല്ലെന്നും തന്റെ പാസ്‌പോര്‍ട്ട്‌ ഉപയോഗിച്ച്‌ മറ്റാരോ എടുത്ത സിംകാര്‍ഡ്‌ ആയിരിക്കാം അതെന്നും ജോയി പോലീസിനോട്‌ പറഞ്ഞു. തന്റെ ഫോണ്‍വിളികളുടെ രേഖകളും ജോയി പോലീസിന്‌ കൈമാറിയിട്ടുണ്ട്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
