യുഎഇയിലെ ഉമ്മുൽഖുവൈനിൽ നേരിയ ഭൂചലനം. റിക്ടർ സ്കെയിലിൽ 2.2 തീവ്രത രേഖപ്പെടുത്തി. വെള്ളിയാഴ്ച രാത്രിയോടെ രാജ്യത്ത് ഭൂചലനമുണ്ടായതായി ദേശീയ കാലാവസ്ഥ കേന്ദ്രം അറിയിച്ചു. ഉമ്മുൽഖുവൈനിലെ ഫലാജ് അൽ മൊഅല്ലയിലാണ് പ്രഭവ കേന്ദ്രം. ഭൂചലനം ജനങ്ങൾക്ക് കാര്യമായി അനുഭവപ്പെട്ടില്ല. ഒരു സ്ഥലത്തും നാശനഷ്ടങ്ങൾ റിപ്പോർട്ട് ചെയ്തിട്ടില്ല.

അതേസമയം മസാഫി ഏരിയയില്‍ റിക്ടര്‍ സ്കെയിലില്‍ 2.8 തീവ്രത രേഖപ്പെടുത്തിയ ഭൂചലനം കഴിഞ്ഞ മാസം റിപ്പോർട്ട് ചെയ്തിരുന്നു. മസാഫി ഏരിയയില്‍ രാത്രി 11.01നാണ് ഭൂചലനമുണ്ടായതെന്ന് എൻസിഎം എക്സ് പ്ലാറ്റ്ഫോമില്‍ അറിയിച്ചത്. നേരിയ ഭൂചനലമാണ് ഉണ്ടായതെങ്കിലും താമസക്കാര്‍ക്ക് പ്രകമ്പനം അനുഭവപ്പെട്ടതായും എന്നാല്‍ പ്രത്യാഘാതങ്ങളൊന്നും ഉണ്ടായിട്ടില്ലെന്നും എൻസിഎം കൂട്ടിച്ചേര്‍ത്തു.