സൗദി അറേബ്യയില് ജയിലില് കഴിയുന്ന കോഴിക്കോട് സ്വദേശി അബ്ദുല് റഹീമിന്റെ വധശിക്ഷ റദ്ദാക്കി
![](https://www.malayalivartha.com/assets/coverphotos/w657/313943_1719974772.jpg)
സൗദി അറേബ്യയില് ജയിലില് കഴിയുന്ന കോഴിക്കോട് സ്വദേശി അബ്ദുല് റഹീമിന്റെ വധശിക്ഷ റദ്ദ് ചെയ്തു. റിയാദ് ക്രിമിനല് കോടതിയുടേതാണ് ഉത്തരവ്. ഇന്നലെ രാവിലെ റിയാദ് ക്രിമിനല് കോടതിയാണ് ഇത് സംബന്ധിച്ച ഉത്തരവ് പുറപ്പെടുവിച്ചത്.
കേസിലെ ഇരുവിഭാഗം അഭിഭാഷകരും കോടതിയില് എത്തിയിട്ടുണ്ടായിരുന്നു. എംബസി ഉദ്യോഗസ്ഥര് റഹീമിന്റെ കുടുംബത്തിന്റെ പവര് ഓഫ് അറ്റോണി സിദ്ദിഖ് തുവ്വൂരും റഹീമിനൊപ്പം കോടതിയില് ഹാജരായി.
കോടതിയിലെ വിര്ച്വല് സംവിധാനത്തിലൂടെയാണ് കോടതി റഹീമിനെ കണ്ടത്. രേഖകളെല്ലാം പരിശോധിച്ചതിന് ശേഷമാണ് കോടതി വധശിക്ഷ റദ്ദ് ചെയ്ത ഉത്തരവില് ഒപ്പ് വെച്ചത്. കോടതിയില് എംബസി വഴി കെട്ടിവെച്ച ഒന്നരക്കോടി റിയാലിന്റെ ചെക്ക് കോടതി കൊല്ലപ്പെട്ട സൗദി ബാലന്റെ കുടുംബത്തിന്റെ പവര് ഓഫ് അറ്റോണിക്ക് കൈമാറി.
സ്പോണ്സറുടെ ചലനശേഷി നഷ്ടപ്പെട്ട മകനെ കൊലപ്പെടുത്തിയ കേസില് 18 വര്ഷമായി അബ്ദുല് റഹീം ജയിലില് കഴിയുകയാണ്. റഹീമിന്റെ മോചനത്തിനായി സമാഹരിച്ച 47 കോടിയിലേറെ ഇന്ത്യന് രൂപയില് നിന്നാണ് ദയധനമായ ഒന്നര കോടി സൗദി റിയാല് നാട്ടിലെ ട്രസ്റ്റ് വിദേശകാര്യ മന്ത്രാലയത്തിന് നല്കി.
https://www.facebook.com/Malayalivartha