സൗദിയിൽ വിവിധയിടങ്ങളിൽ ശക്തമായ മഴ ലഭിച്ചു. ജിദ്ദയിലും മക്കയിലുമാണ് മഴ തകർത്തു പെയ്തത്. ഷറഫിയ, തഹ്‌ലിയ, റുവൈസ്, അൽ ഹംറ, ഖാലിദ് ബിൻ വലീദ് തുടങ്ങി ജിദ്ദയുടെ വിവിധ സ്ഥലങ്ങളിൽ സാമാന്യം ഭേദപ്പെട്ട ‌‌മഴ പെയ്തു. എല്ലാവരും ജാഗ്രത പാലിക്കാനും സുരക്ഷാ നിർദ്ദേശങ്ങൾ പാലിക്കാനും മഴയുള്ള കാലാവസ്ഥയിൽ അത്യാവശ്യത്തിനല്ലാതെ പുറത്തിറങ്ങുന്നത് ഒഴിവാക്കാനും അധികാരികൾ ആവശ്യപ്പെട്ടു.

പൊതു സുരക്ഷ മെച്ചപ്പെടുത്തുന്നതിനും താമസക്കാർക്ക് മഴയുടെ ആഘാതം കുറയ്ക്കുന്നതിനുമായി കുളങ്ങളും മഴ വെള്ളവും നീക്കം ചെയ്യുന്നതിന് ശുചീകരണ സംഘങ്ങളെ വിന്യസിച്ചിട്ടുണ്ട്. കൂടാതെ അപകടങ്ങളെ നേരിടാനും മോശമായ കാലാവസ്ഥയിൽ സുഗമമായ ഗതാഗതം ഉറപ്പാക്കാനും പ്രധാന റോഡുകളിൽ ട്രാഫിക് സുരക്ഷാ, സിവിൽ ഡിഫൻസ് ടീമുകളെ വിന്യസിച്ചിട്ടുണ്ട്.