ദുബൈയിലെ മാള്‍ ഓഫ് ദി എമിറേറ്റ്സിന് സമീപമുള്ള ബഹുനില കെട്ടിടത്തില്‍ തീപിടിത്തം. ഞായറാഴ്ച രാത്രി 10.33നാണ് എട്ട് നില കെട്ടിടത്തിൽ തീപിടിത്തമുണ്ടായത് സംബന്ധിച്ച വിവരം ദുബൈ സിവില്‍ ഡിഫന്‍സിന് ലഭിച്ചത്. ഉടന്‍ തന്നെ അല്‍ ബര്‍ഷ ഫയര്‍ സ്റ്റേഷനില്‍ നിന്നുള്ള സംഘം സ്ഥലത്തെത്തി തീയണയ്ക്കാനുള്ള നടപടികള്‍ തുടങ്ങുകയായിരുന്നു.

10.38ഓടെ അഗ്നിശമന സേന അംഗങ്ങള്‍ സ്ഥലത്തെത്തിയിരുന്നു.  രാത്രി 11.05ഓടെ തീപിടിത്തം നിയന്ത്രണവിധേയമാക്കാൻ സാധിച്ചു.  ആര്‍ക്കും തന്നെ തീപിടിത്തത്തില്‍ പരിക്കേറ്റതായി റിപ്പോർട്ട് ചെയ്തിട്ടില്ല. എന്നാൽ തീപിടിത്തത്തിന്‍റെ കാരണം ഇനിയും വ്യക്തമായിട്ടില്ല.