ഈദ് അവധിക്ക് സൗദി കിഴക്കന്‍ പ്രവിശ്യയിലെ ജുബൈലില്‍ നിന്ന് വിവിധ മലയാളി കുടുംബങ്ങളുമായി അബഹയില്‍ എത്തിയ മലയാളി മരിച്ചു. ജുബൈലില്‍ ബസ് ഡ്രൈവറായ മലപ്പുറം എടപ്പാള്‍ വട്ടംകുളം സ്വദേശി മുഹമ്മദ് കബീര്‍ മരക്കാരകത്ത് കണ്ടരകാവില്‍ (49) ആണ് മരിച്ചത്.


അവധി ആഘോഷിക്കാനായി കുടുംബങ്ങള്‍ ഇദ്ദേഹത്തിന്റെ കോസ്റ്റര്‍ ബസില്‍ തെക്കന്‍ പ്രവിശ്യയിലെ ടൂറിസ്റ്റ് കേന്ദ്രമായ അബഹയില്‍ വ്യാഴാഴ്ചയാണ് എത്തിയത്. രാത്രി ഉറങ്ങാന്‍ കിടന്ന കബീറിന് ഹൃദയാഘാതമുണ്ടാവുകയും ഉടന്‍ മരണപ്പെടുകയും ചെയ്തു.

കബീറിന്റെ കുടുംബം നാട്ടിലാണ്. ഭാര്യ: റജില, പിതാവ്: അബ്ദുള്ളകുട്ടി, മാതാവ്: ആമിനക്കുട്ടി. ഔദ്യോഗിക നടപടികള്‍ പൂര്‍ത്തിയാക്കി വരുന്നു.