സിറിയയില് ഐഎസ് രാസായുധ പ്രയോഗം നടത്തിയെന്ന് റിപ്പോര്ട്ട്
സിറിയയിലെ ഐഎസ് വിമതര് കുര്ദുകള്ക്കെതിരേ രാസായുധം പ്രയോഗിക്കുന്നതായി റിപ്പോര്ട്ട്. സിറിയന് തന്ത്രപ്രധാന മേഖലയായ കൊബാനി പിടിച്ചടക്കാനുള്ള ആക്രമണങ്ങള്ക്കിടെയാണ് വിമതര് രാസായുധപ്രയോഗം നടത്തിയതെന്ന് ജറൂസലേം പോസ്റ്റ് പത്രം റിപ്പോര്ട്ട് ചെയ്തു.
ഐഎസ് ആക്രമണത്തില് കൊല്ലപ്പെട്ട മൂന്നു കുര്ദ് സൈനികരുടെ മൃതദേഹങ്ങള് പരിശോധിച്ചതില് നിന്നാണ് രാസായുധപ്രയോഗം തെളിഞ്ഞത്. സൈനികരുടെ ശരീരത്തില് വെടിയുണ്ടകള് ഏറ്റ മുറിവുകളോ ബാഹ്യ രക്തസ്രാവമോ ഉണ്ടായിരുന്നില്ല. പകരം വെളുത്ത അടയാളങ്ങളും പൊള്ളലുകളുമാണ് കാണപ്പെട്ടതെന്ന് കൊബാനി കുര്ദിഷ് ആരോഗ്യമന്ത്രി നിസാന് അഹമ്മദ് അറിയിച്ചു.
മുസ്റ്റാര്ഡ് എന്നറിയപ്പെടുന്ന രാസത്വരകമാണ് കുര്ദുകള്ക്കു നേരെ ഉപയോഗിച്ചതെന്ന് ചിത്രങ്ങളില് വ്യക്തമാകുന്നതായി ഇസ്രയേലി വൃത്തങ്ങള് അറിയിച്ചു. വടക്കന് ഇറാക്കിലെ മുത്താന പിടിച്ചെടുത്തപ്പോഴാണ് ഭീകരര് രാസായുധങ്ങള് സ്വന്തമാക്കിയതെന്നും റിപ്പോര്ട്ടുകള് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha