ജപ്പാന് എയര്ലൈന്സില് പീഡനശ്രമം, വിമാനം തിരിച്ചിറക്കി
ജപ്പാന് എയര്ലൈന്സ് വിമാനത്തിലെ ടോയ്ലറ്റില് പീഡനശ്രമം. ഇതേത്തുടര്ന്ന് വിമാനം തിരിച്ചിറക്കി. ഹവായില് നിന്നും കന്സായിലേക്ക് പുറപ്പെട്ട വിമാനത്തിലാണ് സംഭവം നടന്നത്. രണ്ടുമണിക്കൂര് പറന്ന വിമാനം യു.എസിലെ ഹോണോലുലുവിലാണ് തിരിച്ചിറക്കിയത്. ശനിയാഴ്ച രാത്രി ഹവായില് നാലുദിവസത്തെ ഒഴിവുദിനം ആസ്വദിച്ച ശേഷം അമ്മയോടൊപ്പം സ്വദേശത്തേക്ക് മടങ്ങുകയായിരുന്ന യുവതിക്കുനേരെയായിരുന്നു ആക്രമണം നടന്നത്. സംഭവത്തില് ഹവായ് സ്വദേശിയായ മിഷേല് ടണൗയേ(29) യെ എഫ്.ബി.ഐ അറസ്റ്റു ചെയ്തു. ജീവപര്യന്തം വരെ കിട്ടാവുന്ന കുറ്റമാണ് മിഷേലിനു മേല് ചുമത്തിയിരിക്കുന്നത്.
യാത്രതുടങ്ങി ഒന്നേമുക്കാല് മണിക്കൂറിനു ശേഷം ടോയ്ലറ്റില് വച്ച് യുവതിയെ മിഷേല് ആക്രമിക്കുകയായിരുന്നു. ടോയ്ലറ്റിനക്കകത്തുനിന്നും മല്പ്പിടുത്തത്തിനിടെ യുവതി എമര്ജന്സി ബട്ടണ് അമര്ത്തിയതോടെ യാത്രക്കാരും വിമാനജോലിക്കാരുമെത്തിയാണ് ഇവരെ രക്ഷിച്ചത്. വാതില് അടച്ചിരുന്നതിനാല് വിജാഗിരിയുടെ സ്ക്രൂ ഊരിയെടുത്താണ് യുവതിയെ രക്ഷപ്പെടുത്തിയത്. അതിനിടയില് മിഷേലിന് പരിക്കേല്ക്കുകയും ചെയ്തു.
സംഭവത്തിന് തൊട്ടുമുമ്പ് വിമാനത്തില്വെച്ച് ഇയാള് ബഹളം വെച്ചിരുന്നു. വിഷാദരോഗത്തിന് ചികിത്സ നടത്തുന്നുണ്ടെന്നും മിഷേലിന്റെ അമ്മ വിമാനജോലിക്കാരോട് പറഞ്ഞു. സംഭവത്തിനു ശേഷം ഇയാള് മരുന്നു കഴിച്ചതായും ശേഷം ഉറങ്ങിപ്പോയതായും ദൃസ്സാക്ഷികള് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha