അമേരിക്കയുടെ ആശങ്ക വര്ധിച്ചു : ഒരു നഴ്സിനു കൂടി എബോള സ്ഥിരീകരിച്ചു
എബോള നിയന്ത്രണവിധേയമാക്കാന് സാധിക്കാത്തതിനാല് അമേരിക്ക ആശങ്കയില്. രാജ്യത്ത് ഒരു നഴ്സിനുകൂടി എബോള രോഗബാധ സ്ഥിരീകരിച്ചു. നേരത്തെ രോഗബാധ സ്ഥിരീകരിച്ച ആരോഗ്യ പ്രവര്ത്തകയ്ക്കൊപ്പം വിമാനത്തില് യാത്ര ചെയ്ത മുഴവന് യാത്രക്കാരെയും നിരീക്ഷിച്ചുവരികയാണെന്ന് അമേരിക്ക അറിയിച്ചു.
എബോള ബാധിച്ച് കഴിഞ്ഞ ദിവസം മരിച്ച തോമസ് എറിക് ഡങ്കന് എന്നയാളെ പരിചരിച്ചിരുന്ന അംബര് വിന്സണ് എന്ന നഴ്സിനാണ് ഏറ്റവുമൊടുവില് അമേരിക്കയില് എബോള ബാധ സ്ഥിരീകരിച്ചത്. ഇവര്ക്കൊപ്പം തോമസ് എറികിനെ പരിചരിച്ച നിന ഫാം എന്ന നഴ്സിനും രോഗ ലക്ഷണങ്ങള് കണ്ടതിനെ തുടര്ന്ന് മാറ്റിപ്പാര്പ്പിച്ചിരുന്നു. നിന ഫാമിന് രോഗലക്ഷണങ്ങള് കണ്ടെത്തുന്നതിന് തൊട്ടുമുന്പ് ഇവര്ക്കൊപ്പം വിമാനത്തിലുണ്ടായിരുന്നവരെ കണ്ടെത്താനുളള ശ്രമത്തിലാണ് അമേരിക്കയിലെ ആരോഗ്യപ്രവര്ത്തകരെന്നതാണ് പുതിയ റിപ്പോര്ട്ട്.
ഒഹായോവില് നിന്ന് ഡാലസിലേക്ക് 132 യാത്രക്കാരാണ് നിനയ്ക്കൊപ്പം വിമാനത്തിലുണ്ടായതെന്നാണ് രേഖകള്. ഇതിനുപുറമേ 48 പേര് കൂടി നിരീക്ഷണത്തിലണ്. തോമസ് എറികിനെ ചികിത്സിക്കുന്ന സമയത്ത് വേണ്ടത്ര മുന്കരുതലെടുക്കാത്തതാണ് രോഗം പടരാന് കാരണമെന്ന് ആരോപണമുയരുന്നുണ്ട്. ഇക്കാര്യം ആശുപത്രി അധികൃതര് നിഷേധിച്ചു.
അതെസമയം എബോള വൈറസ് ബാധക്കെതിരെ മുന്നറിയിപ്പുമായി ലോകാരോഗ്യ സംഘടന രംഗത്ത് വന്നിട്ടുണ്ട്. മരണം കൂടുമെന്നും പ്രതിരോധ പ്രവര്ത്തനങ്ങള് ഫലം കണ്ടില്ലെങ്കില് രണ്ട് മാസത്തിനകം ആഴ്ച്ചയില് പതിനായിരം പേര്ക്ക് വീതം രോഗം പടരുമെന്നുമെന്നുമാണ് ലോകാരോഗ്യസംഘടനയുടെ മുന്നറിയിപ്പ്. എബോള വൈറസിനെതിരെ പ്രതിരോധവുമായി രംഗത്തിറങ്ങാന് അമേരിക്കന് പ്രസിഡന്റ് ബരാക്ക് ഒബാമയും ലോക രാജ്യങ്ങളോട് ആവശ്യപ്പെട്ടിട്ടുണ്ട്. ഐക്യരാഷ്ട്രസഭയുടെ കണക്ക് പ്രകാരം ഇതു വരെ എബോള ബാധിച്ച് 4447 പേര് മരിച്ചിട്ടുണ്ട്.
നിലവില് ലോകത്താകമാനം 8914 പേര്ക്കാണ് എബോള ബാധ സ്ഥിരീകരിച്ചത്. ഈ ആഴ്ച അവസാനത്തോടെ ഇത് 9000 കവിയും. സിയിറ ലിയോണിലും ലൈബിരിയയിലും എബോള ബാധിച്ചവരുടെ എണ്ണം ഇരട്ടിയിലധികമാകും.ആഫ്രിക്കയ്ക്ക് പുറമെ അമേരിക്ക, ബ്രിട്ടന് ,സ്പെയിന് , ജര്മ്മനി, നോര്വേ , ഫ്രാന്സ്എന്നീ രാജ്യങ്ങളിലാണ് വൈറസ് ബാധ സ്ഥിരീകരിച്ചിട്ടുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha