ടെക്‌സാസില്‍ എറിക്ക നൈഗ്രേലി എന്ന സ്‌കൂള്‍ അധ്യാപികയാണ് മരിച്ചശേഷം വീണ്ടും ജീവിച്ചത്. പൂര്‍ണഗര്‍ഭിണിയായ ഇവര്‍ സ്‌കൂളില്‍ കുഴഞ്ഞു വീണു. ആശുപത്രിയില്‍ എത്തിച്ചപ്പോഴേക്കും മരിച്ചതായി ഡോക്ടര്‍മാരും പറഞ്ഞു. ആശുപത്രിയധികൃതര്‍ അടിയന്തരമായി നടത്തിയ സിസേറിയനിലൂടെ കുഞ്ഞിനെ പുറത്തെടുക്കുകയും ചെയ്തു. എന്നാല്‍ ഇത് കഴിഞ്ഞാണ് അത്ഭുതം നടന്നത്. സംഭവത്തെകുറിച്ച് എറിക്കയും ഭര്‍ത്താവ് നഥാനും പറയുന്നതിങ്ങനെ. കഴിഞ്ഞ വര്‍ഷം മെയ് മാസത്തിലായിരുന്നു സംഭവം നടക്കുന്നത്.
മിസ്സൗറിയിലെ എല്‍ക്കിന്‍സ് ഹൈസ്‌കൂള്‍ അധ്യാപികയാണ് എറിക്ക നൈഗ്രേലി. ഒന്‍പത് മാസം ഗര്‍ഭിണിയായിരിക്കുമ്പോള്‍ ഇവര്‍ സ്‌കൂളില്‍ കുഴഞ്ഞുവീണു. സഹപ്രവര്‍ത്തകരും അതേ സ്‌കൂളിലെ അധ്യാപകനായ ഭര്‍ത്താവ് നഥാനും ഓടിയെത്തിയപ്പോഴേക്കും നൈഗ്രേലിയുടെ ഹൃദയമിടിപ്പ് നിലച്ചിരുന്നു. ഉടനെ പാരാമെഡിക്കുകളുടെ സഹായം തേടി അവരെ ആശുപത്രിയിലെത്തിച്ചെങ്കിലും ഹൃദയം ചലിച്ചില്ല.
നൈഗ്രേലിയുടെ കാര്യത്തില്‍ ഇനിയൊന്നും പ്രതീക്ഷിക്കേണ്ടെന്നു തീരുമാനിച്ച ആശുപത്രിയധികൃതര്‍ അടിയന്തരമായി നടത്തിയ സിസേറിയനിലൂടെ കുഞ്ഞിനെ പുറത്തെടുക്കുകയാണ് ആദ്യം ചെയ്തത്. എല്യാന എന്ന പെണ്‍കുഞ്ഞാണ് നഥാന്റെയും നൈഗ്രേലിയുടെയും മകളായി പിറന്നത്. അത്ഭുതമോ ഈശ്വരകടാക്ഷമോ എന്തുമാവട്ടെ, എല്യാന പിറന്നതോടെ മരിച്ചുകിടന്ന നൈഗ്രേലിയുടെ ഹൃദയം വീണ്ടും മിടിച്ചു തുടങ്ങി.
സിസേറിയനു ശേഷം ജീവന്‍ വീണ നൈഗ്രേലിക്ക് ഡോക്ടര്‍മാര്‍ പേസ്‌മേക്കറിന്റെ സഹായവും നല്‍കി. ഹൈപ്പര്‍ ട്രോഫിക് കാര്‍ഡിയോ മയോപ്പതി എന്ന, ഹൃദയ ഭിത്തികള്‍ക്ക് കട്ടിയുണ്ടാവുന്ന, രോഗാവസ്ഥയായിരുന്നു നൈഗ്രേലിക്ക്. ദിവസങ്ങളൊളം തീവ്രപരിചരണ വിഭാഗത്തില്‍ കിടന്ന ശേഷമാണ് നൈഗ്രേലിയും എല്യാനയും ആശുപത്രി വിട്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha