വൈറ്റ് ഹൗസിന്റെ വേലി ചാടിയ ഒരാളെ പിടികൂടി. കഴിഞ്ഞ മാസവും ഒരാള്‍ ഇതുപോലെ മതില്‍ ചാടി വൈറ്റ് ഹൗസിലെത്തിയിരുന്നു.അന്നുണ്ടായ സുരക്ഷാ വീഴ്ചയെ തുടര്‍ന്ന് സീക്രട്ട് സര്‍വ്വീസ് ഏജന്‍സിയുടെ പ്രസിഡന്റ് സ്ഥാനം ജൂലിയ പിയേഴ്‌സണ്‍ ഒഴിഞ്ഞിരുന്നു. യൂണിഫോം ധാരികളായ സുരക്ഷാ ഉദ്യോഗസ്ഥരെ മറികടന്നാണ് ഇയാള്‍ കെട്ടിടത്തിനുള്ളില്‍ പ്രവേശിച്ചതെന്ന് സിസിടിവിയില്‍ വ്യക്തമായിരുന്നു.

കഴിഞ്ഞ ബുധനാഴ്ചയാണ് വീണ്ടും ഒരാള്‍ കൂടി വൈറ്റ്‌ഹൈസിന്റെ മതില്‍ ചാടിയത്. ക്യാമറ ദൃശ്യങ്ങളിലാണ് വെളുത്ത ഷോര്‍ട്‌സ് ധരിച്ച ഒരാള്‍ വൈറ്റ് വേലിയ്ക്കരികില്‍ അകത്ത് നില്‍ക്കുന്നതായി ഉദ്യോഗസ്ഥര്‍ കണ്ടത്. സുരക്ഷാ ഉദ്യോഗസ്ഥരോട്, തന്റെ പക്കല്‍ ആയുധങ്ങളൊന്നും ഇല്ലെന്നു കാണിയ്ക്കാനാവണം, അയാള്‍ ഷര്‍ട്ട് ഊരുന്നതും ദൃശ്യങ്ങളില്‍ വ്യക്തമായിരുന്നു. അയാളുടെ നേര്‍ക്ക് അഴിച്ചു വിട്ട രഹസ്യസേനയുടെ രണ്ടു നായകളെ അയാള്‍ തൊഴിയ്ക്കുന്നതും ഇടിയ്ക്കുന്നതും എല്ലാം ക്യാമറയില്‍ പതിഞ്ഞിട്ടുണ്ട്.
പ്രസിഡന്റിന്റെ വസതിയില്‍ സുരക്ഷാസേന നിരീക്ഷണം ശക്തമാക്കിയിട്ടുണ്ട്. സംഭവത്തെ കുറിച്ച്‌ അന്വേഷിക്കുമെന്നും വൈറ്റ്ഹൗസ് അധികൃതര്‍ പറഞ്ഞു.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha