ലോക കോടീശ്വരന്റെ അന്ത്യം വൃദ്ധസദനത്തില്
പണമുണ്ടായിട്ടെന്തു കാര്യം. ഒരു കാലത്ത് ലോകകോടീശ്വരന്മാരുടെ പട്ടികയില് മുന്നിരയിലായിരുന്ന നെല്സണ് ബങ്കര് ഹണ്ടിന് വൃദ്ധസദനത്തില് അന്ത്യം. 88 വയസായിരുന്നു. ഇദ്ദേഹത്തിന് മുന്ന് സ്ത്രീകളിലായി 14 മക്കളുണ്ട്.
ലിബിയയില് മുഅമ്മര് ഖദ്ദാഫി അധികാരത്തിലെത്തിയതോടെ ഹണ്ടിന്റെ എണ്ണപ്പാടങ്ങള് പിടിച്ചെടുത്ത് ദേശസാല്ക്കരിച്ചു. ഇത് ഹണ്ടിന് സാമ്പത്തികമായി വന് തിരിച്ചടിയായി. തുടര്ന്ന് വെള്ളി വ്യാപാര മേഖലയിലേക്ക് തിരിഞ്ഞ അദ്ദേഹം ലോകത്തെ വെള്ളി വ്യാപാരത്തിന്റെ പകുതിയും നിയന്ത്രിക്കുന്ന നിലയിലേക്ക് തന്റെ ബിസിനസ് സാമ്രാജ്യം വളര്ത്തി. എന്നാല് എണ്പതുകളോടെ വെള്ളി വ്യാപാരത്തിലും അദ്ദേഹത്തിന് തിരിച്ചടി നേരിട്ടു. വെള്ളിയുടെ വില കുത്തനെ ഇടിഞ്ഞതാണ് ഈ മേഖലയിലും തിരിച്ചടി നേരിടാന് കാരണം.
വെള്ളി വ്യാപാരം തകര്ന്നത് അദ്ദേഹത്തിന്റെ സമ്പാദ്യം അഞ്ചിലൊന്നായി ചുരുക്കി. ഇതോടെ ഹണ്ടിന്റെ ബിസിനസ് സാമ്രാജ്യം തകര്ന്നു. വ്യാപാര തകര്ച്ചയെ തുടര്ന്ന് ഉണ്ടായ കടബാധ്യതയും നിയമവ്യവഹാരങ്ങളും അദ്ദേഹത്തെ കൂടുതല് പ്രതിസന്ധിയിലേക്ക് തള്ളിവിട്ടു. 1989ല് ബിസിനസ് സാമ്രാജ്യം തകര്ന്ന അദ്ദേഹത്തെ പാപ്പരായി പ്രഖ്യാപിച്ചു. തുടര്ന്ന് ഡാളസിലെ ചെറിയ വീട്ടില് താമസിച്ചു വരികയായിരുന്ന ഹണ്ടിനെ അവസാനകാലത്ത് അല്ഷിമേഴ്സ് രോഗബാധിതനായതോടെ വൃദ്ധസദനത്തിലേക്ക് മാറ്റുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha