എ.ടി.എമ്മില് നിന്ന് പണം കിട്ടിയില്ല, യുവതി എ.ടി.എം. തല്ലിപ്പൊളിച്ചു
ചൈനയിലെ ഡോന്ഗ്വാനില് എ.ടി.എമ്മില് നിന്ന് പണം കിട്ടാത്തതിനെ തുടര്ന്ന് യുവതി എ.ടി.എം. തല്ലിപ്പൊളിച്ചു. സാധാരണ എ.ടി.എമ്മില് നിന്ന് പണം ലഭിക്കാതെ വന്നാല് അടുത്ത എ.ടി.എം തേടിപ്പോവുകയോ അല്ലെങ്കില് ബാങ്കില് പരാതിപ്പെടുകയോയാണ് ചെയ്യാറ്.
എന്നാല്, ഇവിടെ യുവതി ചെയ്തത് ഇത് മൂന്നുമല്ല. പണം കിട്ടാത്തതില് ക്ഷുഭിതയായ അവര് മിനിറ്റുകള് കൊണ്ട് എ.ടി.എം. പൂര്ണമായി തല്ലിപ്പൊളിച്ചു. അതും വെറും കൈ കൊണ്ട്.
ഒരു ഷോപ്പിങ് മാളില് നൂറുകണക്കിന് ആളുകള് നോക്കിനില്ക്കെയായിരുന്നു യുവതിയുടെ സാഹസം. സംഭവത്തിന് മാളിലെ മൂന്ന് സുരക്ഷാ ജീവനക്കാരും സാക്ഷികളായിരുന്നു. അവരും സംഭവം കണ്ടുനില്ക്കുകയല്ലാതെ യുവതിയെ തടയാന് ശ്രമിച്ചില്ല എന്നതാണ് കൗതുകകരം.
ആദ്യം പ്ലൂസ്റ്റിക് ഫ്രെയിം അടര്ത്തിമാറ്റിയ യുവതി പിന്നീട് മെഷിന്റെ ഓരോ ഭാഗങ്ങളായി ഇളക്കിയെടുത്തു. എന്നാല്, എ.ടി.എമ്മില് പണം ഉണ്ടായിരുന്നില്ല. ഇതിനുശേഷം ഒന്നുമറിയാത്ത മട്ടില് നിന്ന യുവതിയെ പിന്നീട് പോലീസെത്തി അറസ്റ്റുചെയ്തു.
യുവതിക്ക് മാനസികാസ്വാസ്ഥ്യം ഉള്ളതായി പോലീസ് സംശയിക്കുന്നുണ്ട്. ഇവരെ വിശദമായ പരിശോധനയ്ക്കായി ആശുപത്രിയില് പ്രവേശിപ്പിച്ചിരിക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha