സ്വീറ്റി ഓപ്പറേഷനില് കുടുങ്ങിയത് ആയിരത്തോളം യുവാക്കള്
ഇന്റര്നെറ്റില് കുട്ടികളുടെ അശ്ലീല ചിത്രങ്ങള് ദുരുപയോഗപ്പെടുത്തുന്നവരെ കുടുക്കാന് നെതര്ലന്ഡിലെ മനുഷ്യാവകാശ സംഘടന ആരംഭിച്ച പദ്ധതിയാണ് സ്വീറ്റി ഓപ്പറേഷന്. കഴിഞ്ഞ വര്ഷം തുടങ്ങിയ സ്വീറ്റി ഓപ്പറേഷന് പദ്ധതിയില് കുടുങ്ങിയത് ആയിരത്തോളം പേരാണ്. സ്വീറ്റി പദ്ധതിയില് പിടികൂടിയ ആദ്യത്തെ ആള്ക്ക് ജയില് ശിക്ഷ ഓസ്ട്രേലിയയില് വിധിച്ചു. സ്വീറ്റിക്ക് അശ്ലീല ചിത്രങ്ങള് അയച്ചു കൊടുത്ത സ്കോട് റോബര്ട്ട് ഹന്സന് (38) എന്നയാള്ക്കു രണ്ടു വര്ഷം തടവാണു വിധിച്ചത്.
കുട്ടികളെ ഉപയോഗിച്ചുള്ള അശ്ലീല ചിത്രങ്ങള് കാണുക, കുട്ടികളോട് നഗ്ന ചിത്രങ്ങള് ആവശ്യപ്പെടുക, വെബ്ക്യാമിനു മുന്നില് ലൈംഗിക പ്രദര്ശനം നടത്താന് കുട്ടികളോട് ആവശ്യപ്പെടുക എന്നീ കുറ്റകൃത്യങ്ങള് ചെയ്യുന്നവരെ കുടുക്കാന് ലക്ഷ്യമിട്ടായിരുന്നു സ്വീറ്റി ഓപ്പറേഷന്.
നെതര്ലന്ഡ്സിലെ തെരെ ദെസ് ഹോംസ് എന്ന സംഘടന വിദഗദ്ധരുടെ സഹായത്തോടെ കമ്പ്യൂട്ടറില് രൂപ കല്പന ചെയ്ത സാങ്കല്പിക പെണ്കുട്ടിയുടെ ചിത്രത്തിനാണ് സ്വീറ്റി എന്ന പേരു നല്കിയത്. 10 വയസ്സുള്ള ഫിലിപ്പീന് പെണ്കുട്ടി എന്ന പേരില് ഈ ചിത്രം ഇന്റര്നെറ്റില് പ്രചരിപ്പിച്ചു. ചാറ്റിങ്ങിനും മറ്റും ലഭ്യമാക്കി.
പത്താഴ്ചക്കകം 71 രാജ്യങ്ങളില് നിന്നായി 20,000 പുരുഷന്മാര് ഈ കൊച്ചു പെണ്കുട്ടിയോട് ലൈംഗിക പ്രദര്ശനം ആവശ്യപ്പെട്ടു. ഇവരില് വ്യക്തമായ വിലാസം ശേഖരിക്കാന് കഴിഞ്ഞ ആയിരം പേര്ക്കെതിരെ നിയമനടപടികള് സ്വീകരിക്കാന് വിവിധ രാജ്യങ്ങള്ക്കു കൈമാറിയിട്ടുണ്ട്. യുഎസ്, ബ്രിട്ടന്, ഓസ്ട്രേലിയ എന്നിവ 71 രാജ്യങ്ങളിലുള്ളവരാണിവര്. മറ്റു പല രാജ്യങ്ങളിലും നിയമനടപടികള് പുരോഗമിക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha