പ്രതിഷേധം കൊടുങ്കാറ്റാകുന്നു... ലൈംഗികമായി പീഡിപ്പിക്കാന് ശ്രമിച്ചയാളെ പ്രാണരക്ഷാര്ഥം കൊലപ്പെടുത്തിയ യുവതിയെ തൂക്കി കൊന്നു
ആത്മരക്ഷാര്ഥം കൊലപാതകം നടത്തിയ യുവതിയെ തൂക്കിക്കൊന്നു. ലൈംഗികമായി പീഡിപ്പിക്കാന് ശ്രമിച്ചയാളെ കൊലപ്പെടുത്തിയ യുവതിയെയാണ് ഇറാനില് തൂക്കി കൊന്നത്. റെയ്ഹാനെ ജബ്ബാരി (26)യെയാണ് ഇറാനില് വധശിക്ഷയ്ക്കു വിധേയയാക്കിയത്. റെയ്ഹാനയുടെ വധശിക്ഷ നടപ്പാക്കുന്നതിനെതിരെ അന്താരാഷ്ട്ര തലത്തില് പ്രതിഷേധമുയരുന്നതിനിടയിലാണ് വധശിക്ഷ നടപ്പാക്കിയത്. 2007ലാണ് റെയ്ഹാനയെ അറസ്റ്റ് ചെയ്യുന്നത്.
ഇന്ന് രാവിലെയാണ് റെയ്ഹാനെയുടെ വധശിക്ഷ നടപ്പാക്കിയത്. ഇന്നലെ ഒരു മണിക്കൂര് നേരത്തേക്ക് റെയ്ഹാനെയെ സന്ദര്ശിക്കാന് മാതാവിനെ അനുവദിച്ചിരുന്നു.
ഇറാന് രഹസ്യാന്വേഷണ വകുപ്പ് മുന് ഉദ്യോഗസ്ഥനായ മൊര്ത്തെസ അബ്ദുലലി സര്ബന്ദിയെയാണ് റെയ്ഹാനെ കൊലപ്പെടുത്തിയത്. വിചാരണ നടത്തിയ കോടതി 2009ല് റെയ്ഹാനെയെ വധശിക്ഷയ്ക്കു വിധിച്ചു. ആത്മരക്ഷാര്ഥമാണ് താന് കൊലപാതകം നടത്തിയതെന്ന റെയ്ഹാനെയുടെ വാദം കോടതി തള്ളുകയായിരുന്നു.
റെയ്ഹാനെയുടെ വധശിക്ഷയ്ക്കെതിരെ ആംനസ്റ്റി ഇന്റര്നാഷനല് അടക്കമുള്ള സംഘടനകള് രംഗത്തെത്തിയിരുന്നു. ഇറാന് സിനിമാ താരങ്ങളും റെയ്ഹാനെയ്ക്കു പിന്തുണയുമായെത്തിയിരുന്നു. ട്വിറ്റര്, ഫെയ്സ്ബുക്ക് അടക്കമുള്ള സോഷ്യല് നെറ്റ്വര്ക്കിങ് സൈറ്റുകളില് റെയ്ഹാനെയുടെ വധശിക്ഷയ്ക്കെതിരെ പ്രചരണം നടക്കുന്നുണ്ടായിരുന്നു.
പ്രതിഷേധം ശക്തമായതിനെ തുടര്ന്ന് ശിക്ഷ 10 ദിവസത്തേക്ക് താല്ക്കാലികമായി സ്റ്റേ ചെയ്തിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha