ബ്രസീലിയന് പ്രസിഡന്റായി ദില്മ റൂസഫിന് ഇത് രണ്ടാമൂഴം
ബ്രസീലിയന് പ്രസിഡന്റായി ദില്മ റൂസഫ് വീണ്ടും തെരഞ്ഞെടുക്കപ്പെട്ടു. തെരഞ്ഞെടുപ്പില് 51.6 ശതമാനം വോട്ട് നേടിയാണ് ദില്മ രണ്ടാം വട്ടവും ലാറ്റിനമേരിക്കയിലെ ഏറ്റവും വലിയ രാജ്യത്തിന്റെ പ്രസിഡന്റ് പദവിയിലെത്തിയത്. വര്ക്കേഴ്സ് പാര്ട്ടി നേതാവ് ദില്മ റൂസഫിന് ഇത് രണ്ടാമൂഴം. രാജ്യത്ത് നടപ്പാക്കിയ സാമൂഹ്യ സുരക്ഷ പദ്ധതികള് ഉയര്ത്തിപ്പിടിച്ച ദില്മക്ക് 51 ശതമാനം വോട്ടുകളാണ് രണ്ടാം ഘട്ടത്തില് ലഭിച്ചത്. അഴിമതി ആരോപണങ്ങള് നിരവധി ഉയര്ന്നെങ്കിലും അതിനെയെല്ലാം അതിജീവിക്കുന്ന ജനവിധിയായിരുന്നു രണ്ടാംഘട്ടത്തില് ദില്മക്ക് കിട്ടിയത്. പണപ്പെരുപ്പം, സാമ്പത്തിക മാന്ദ്യം തുടങ്ങി നിരവധി പ്രതിസന്ധികളാണ് ദില്മയെ കാത്തിരിക്കുന്നത്.
ആദ്യ ഘട്ട തെരഞ്ഞെടുപ്പില് ദില്മ റൂസഫ് മുന്നേറിയെങ്കിലും വിജയിക്കാനാവശ്യമായ 50 ശതമാനം വോട്ട് നേടാന് കഴിഞ്ഞിരുന്നില്ല. തുടര്ന്നായിരുന്നു രണ്ടാംഘട്ടത്തിലേക്ക് തെരഞ്ഞെടുപ്പ് പ്രക്രിയ നീണ്ടത്.
എതിരാളിയായ സോഷ്യല് ഡെമോക്രസി പാര്ട്ടി സ്ഥാനാര്ത്ഥി എസിയോ നെവസിന് കിട്ടിയത് 49 ശതമാനം വോട്ടുകളാണ് ലഭിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha