ഭാരം കുറയ്ക്കാനും ഇന്ധനക്ഷമത കൂട്ടുവാനും വേണ്ടി വിമാനങ്ങളില്‍ ജനാലകള്‍ ഇല്ലാതെയാക്കുവാന്‍ യു.കെ. യിലെ നിര്‍മ്മതാക്കള്‍ ശ്രമിച്ചുകൊണ്ടിരിക്കുന്നു. എന്നാല്‍ ആകാശ ദൃശ്യങ്ങള്‍ കാണുവാന്‍ സാധിക്കുന്ന സ്മാര്‍ട്ട് സ്‌ക്രീന്‍ പാനലുകള്‍ സ്ഥാപിക്കും. ചിലരില്‍ അത്ഭുതം ഉണര്‍ത്തുമെങ്കിലും മറ്റു ചിലരില്‍ ഇത് ഭീതിയുണര്‍ത്താനാണു സാധ്യത. വിമാനയാത്രക്കിടെ പുറത്ത് മേഘങ്ങളും സമുദ്രങ്ങളും എല്ലാം കാണുന്നത് ചിലര്‍ക്ക് ഭയമുണ്ടാക്കിയേക്കും.
അടുത്ത പത്തു വര്‍ഷത്തിനകം ഇത്തരം വിമാനങ്ങള്‍ യാഥാര്‍ത്ഥ്യമാകും. ഇതില്‍ ജനാലുകളുടെ സ്ഥാനത്ത് മുഴുനീള സ്‌ക്രീനായിരിക്കും ഉണ്ടായിരിക്കുക. യാത്രക്കാര്‍ക്ക് തങ്ങളുടെ ഇഷ്ടാനുസരണം വ്യൂ മറയ്ക്കുവാനും കണ്ടുകൊണ്ടിരിക്കുവാനും ഇതില്‍ സൗകര്യമുണ്ടായിരിക്കും. യാത്രയ്ക്കിടെ കാണാനാഗ്രഹിക്കുന്ന സ്ഥലം എത്തുമ്പോള്‍ പ്രസ്തുത സ്‌ക്രീനില്‍ ഒന്നു തട്ടിയാല്‍ പുറത്തെ ദൃശ്യങ്ങള്‍ കാണാനാകും. അല്ലെങ്കില്‍ ഇന്‍ര്‍നെറ്റില്‍ സര്‍ഫ് ചെയ്താലും കാണാനാഗ്രഹിച്ചിരുന്ന സ്ഥലം എത്തിയോ എന്നറിയാനാകും.
ഇപ്പോള്‍ മൊബൈല്‍ ഫോണുകളിലും ടെലിവിഷനിലുമെല്ലാം ഉപയോഗിക്കുന്ന ഈ ടെക്‌നോളജിയുടെ ഉപജ്ഞാതാക്കള്‍ സെന്റര്‍ ഫോര്‍ പ്രോസിസ് ഇന്നോവേഷനാണ്. വിമാനത്തിന്റെ പുറത്ത് സ്ഥാപിച്ചിട്ടുളള ക്യാമറയില്‍ നിന്നുളള ദൃശ്യങ്ങള്‍ വിമാനത്തിന്റെ ഉള്‍വശത്തുടനീളം, ഹൈ-ഡെഫനിഷനില്‍ നല്ല വലിപ്പത്തില്‍ അതീവ കനം കുറഞ്ഞ ഒരു ഡിസ്‌പ്ലേയില്‍ ലഭ്യമാക്കുന്നതെങ്ങനെ എന്നാണ് സെന്റര്‍ ഫോര്‍ പ്രോസിസ് ഇന്നോവേഷന്റെ ടെക്‌നോളജി ശ്രമിച്ചു കൊണ്ടിരിക്കുന്നത്.
വ്യോമവ്യവസായമേഖലയില്‍ എന്നും ശ്രമിച്ചുകൊണ്ടിരുന്നത് എയര്‍ക്രാഫ്റ്റിന്റെ ഭാരം എത്രത്തോളം കുറയ്ക്കാനാകും എന്നാണ്. ഭാരം കുറയുമ്പോള്‍ ഇന്ധനക്ഷമത കൂടുമെന്നതിനാല്‍ യാത്രാനിരക്ക് കുറയ്ക്കുവാന്‍ കഴിയും. ഭാരം 1% കുറയ്‌മ്പോള്‍ 0.75% ഇന്ധനലാഭമാണ് ഉണ്ടാകുന്നത്.
ജനാലകള്‍ക്കു പകരമുളള സ്‌ക്രീനുകള്‍ വൈദ്യുതി ഉപയോഗിച്ച് ഉത്തേജിപ്പിക്കുമ്പോള്‍ സ്വയമേ പ്രകാശം ചൊരിയുന്ന തരം വസ്തുക്കളുടെ ഓര്‍ഗാനിക് ലൈറ്റ് എമിറ്റിംഗ് ഡയോഡുകളുടേയും(എല്‍.ഇ.ഡി) സങ്കരമാണ്. ഇതിന്റെ വിലകൂടുതലും ഈര്‍പ്പം തട്ടുമ്പോഴുണ്ടാകുന്ന പ്രശ്‌നങ്ങളുമാണ് ഈ സാങ്കേതിക വിദ്യയിലുളള ന്യൂനത. മൊബൈല്‍ ഫോണിലും റ്റി.വി-കളിലുമെല്ലാം ഇത്തരം സ്‌ക്രീനുകള്‍ ഗ്ലാസ് കൊണ്ട് മുടപ്പെട്ടതായിരിക്കും. എന്നാല്‍ വിമാനത്തിന് അനുകൂലമയാ സ്‌ക്രീന്‍ ഉണ്ടാക്കിയെടുക്കുക എന്നതാണ് വെല്ലുവിളി. ഇലക്‌ട്രോണിക്‌സ് കമ്പിനിയായ എല്‍.ജി അടുത്തിടെ തുടര്‍ച്ചയായി ദൃശ്യങ്ങള്‍ സംപ്രക്ഷണം ചെയ്യുമ്പോള്‍ വളയുകയും തിരിയുകയുമൊക്കെ ചെയ്യുന്ന തരത്തിലുളള 18 ഇഞ്ച് (46 c.m) സ്‌ക്രീന്‍ തയ്യാറാക്കിയതായി ഒരു വീഡിയോ പോസ്റ്റ് ചെയ്തിരുന്നു. ഇത്തരത്തില്‍ വഴക്കമുളള DLED-കള്‍ ഉണ്ടെങ്കില്‍ ചെലവ് ഈട് നില്‍ക്കല്‍ എന്നിവയെ സംബന്ധിച്ചുളള പ്രശ്‌നങ്ങള്‍ക്ക് പരിഹാരമാകും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha