ടിച്ചര് ഹീറോ ആയപ്പോള് വെടി അവസാനിച്ചു
സിയാറ്റിലിന് നിന്നും 34 മൈല് അകലെയുളള മേരിസ്വില്-പില്ചക്ക് ഹൈസ്ക്കൂളില് വെളളിയാഴ്ച ഒരു വിദ്യാത്ഥി നടത്തിയ വെടിവെപ്പില് ഒരു വിദ്യാര്ത്ഥിനി കൊല്ലപ്പെടുകയും നാലു പേര്ക്ക് പരിക്കേല്ക്കുകയും ചെയ്തു.
സ്കൂളിലെ കുട്ടികള് ഉച്ചയ്ക്ക് ഭക്ഷണം കഴിക്കുന്ന സമയത്താണ് സ്കൂളിലെ തന്നെ പുതിയ വിദ്യാര്ത്ഥിയായ ജേയ്ലന് ഫ്രൈബെര്ഗ് തോക്കുമായി കടന്നുവന്നത്. ഭക്ഷണം കഴിച്ചുകൊണ്ടിരുന്ന ഒരു വിദ്യാര്ത്ഥിനിയെ അവന് വെടിവെച്ചു വീഴ്ത്തി. മറ്റു നാലുപേരെ കൂടി അവന് വെടിവെച്ചുവെങ്കിലും അവര് പരിക്കുകളോടെ രക്ഷപ്പെടുകയായിരുന്നു. വെടിയൊച്ച കേട്ട് ഓഫീസ് മുറിയിലിരുന്ന മേഗന് സില്ബെര്ബെര്ഗര് ഓടിയെത്തിയപ്പോഴേക്കും അഞ്ച് പേര് വെടിയേറ്റു കിടക്കുന്നതാണ് കണ്ടത്. തുടര്ന്ന് ടീച്ചര് തോക്കുമായി നിന്ന വിദ്യാര്ത്ഥിയുടെ കൈക്ക് കയറിപിടിക്കുകയായിരുന്നുവെന്നും ഇത് നേരില് കണ്ട മറ്റൊരു വിദ്യാര്ത്ഥി സി.എന്.എന്നോട് പറഞ്ഞു. ടീച്ചര് തോക്കുമായി നിന്ന വിദ്യാര്ത്ഥിയുടെ കൈക്ക് പിടിച്ചതിനാലാണ് കൂടുതല് മരണങ്ങള് സംഭവിക്കാതിരുന്നതെന്ന് ദൃസാക്ഷിയായ വിദ്യാര്ത്ഥി പറഞ്ഞു.
എന്നാല് ടീച്ചര് തടഞ്ഞെങ്കിലും അവന് സ്വന്തം തലയിലേയ്ക്കു വെടി വച്ചു. ടീച്ചറുടെ അഭിമുഖത്തിനായി സി.എന്.എന് ശ്രമിച്ചെങ്കിലും സ്വകാര്യത ആഗ്രഹിക്കുന്നുവെന്ന് പറഞ്ഞ് ടീച്ചര് ഒഴിഞ്ഞു മാറിയതായാണ് റിപ്പോര്ട്ടില് പറയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha