കാലവര്‍ഷം ശക്തമായതിനെത്തുടര്‍ന്നുണ്ടായ മണ്ണിടിച്ചിലില്‍ ശ്രീലങ്കയിലെ ബാദുല്ല ജില്ലയില്‍ 100 പേര്‍ മരിച്ചു. 300ഓളംപേരെ കാണാതായി. 140 വീടുകള്‍ മണ്ണിനടിയിലായി. ദേശീയ പാതകളുടെ പലഭാഗങ്ങളും ഒലിച്ചുപോയി. തലസ്ഥാനത്തു നിന്നു 200 കിലോമീറ്റര്‍ ദൂരെയുള്ള ഹല്‍ദുമ്മുല്ല പട്ടണത്തിനടുത്ത് മീറിയബെദ്ദ തേയിലത്തോട്ടത്തിലാണു മണ്ണിടിച്ചിലുണ്ടായത്.
കരസേനയും വ്യോമസേനയും പോലീസും യുദ്ധകാലാടിസ്ഥാനത്തില്‍ രക്ഷാപ്രവര്‍ത്തനം നടത്തുന്നുണ്ട്. കനത്ത മൂടല്‍മഞ്ഞു മൂലം രക്ഷാപ്രവര്‍ത്തനം ദുഷ്‌കരമാണ്. ചില വീടുകളുടെ മുകളില്‍ 30 അടിവരെ ഉയരത്തില്‍ മണ്ണുമൂടി. കാലവര്‍ഷത്തെ തുടര്‍ന്ന് ജൂണ്‍ മാസമുണ്ടായ മണ്ണിടിച്ചിലില്‍ 22 പേര്‍ മരിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha