നൊബേല് പുരസ്ക്കാരത്തുക ഗാസയിലെ സ്കൂളുകളുടെ പുനര് നിര്മാണത്തിനു നല്കുമെന്ന് മലാല
നൊബേല് പുരസ്കാരത്തുകയും വിദ്യാഭ്യാസ പ്രവര്ത്തനത്തില് ചെലവഴിക്കാന് പാകിസ്താനി മനുഷ്യാവകാശ പ്രവര്ത്തക മലാല യൂസഫ്സായി. നൊബേല് പുരസ്കാരത്തുകയില് 50,000 ഡോളര് ഗാസയിലെ യു.എന് സ്കൂളുകളുടെ പുനര്നിര്മ്മാണത്തിന് നല്കുമെന്ന് മലാല പറഞ്ഞു. സുരക്ഷിതമായ അന്തരീക്ഷത്തില് മികച്ച വിദ്യാഭ്യാസം പലസ്തീനിലെ കുട്ടികള്ക്ക് ഉറപ്പാക്കാന് നമ്മള് പ്രതിജ്ഞാബദ്ധമാണ്.
യു.എന് ദുരിതാശ്വാസ പ്രവര്ത്തന ഏജന്സിയിലൂടെ പണം കൈമാറുമെന്നും 65 സ്കൂളുകളുടെ പുനരുദ്ധാരണമാണ് ലക്ഷ്യമെന്നും മലാല പറഞ്ഞു.ഇസ്രയേല് പലസ്തീന് സംഘര്ഷത്തില് ഗാസയിലാണ് ഏറ്റവുമധികം നാശനഷ്ടമുണ്ടായത്. കുട്ടികളടക്കം നിരവധി പേര് കൊല്ലപ്പെടുകയും വീടുകളും സ്കൂളുകളുമടക്കം ഗാസനഗരത്തിലെ കെട്ടിടങ്ങള് തകരുകയും ചെയ്തിരുന്നു.
പാകിസ്താനില് പെണ്കുട്ടികളുടെ വിദ്യാഭ്യാസ അവകാശത്തിനു വേണ്ടി നടത്തിയ പോരാട്ടമാണ് മലാലയെ സമാധാനത്തിനുള്ള നൊബേല് പുരസ്കാരത്തിന് അര്ഹയാക്കിയത്. 2012ല് താലിബാന് ആക്രമണത്തിന് ഇരയായ മലാല ലണ്ടനില് ലഭിച്ച ചികിത്സയിലൂടെയാണ് ജീവിതത്തിലേക്ക് മടങ്ങിവന്നത്. താലിബാന് ഭീഷണി നേരിടുന്ന മലാലയും കുടുംബവും ലണ്ടനിലാണ് താമസം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha