നരേന്ദ്രമോഡിയെ ഹിലരി ക്ലിന്റന് പ്രശംസിച്ചു
നരേന്ദ്ര മോഡിയുടെ സ്വച്ഛ ഭാരത് അഭിയാന് അഥവാ കാംപ്യെന് ക്ലീന് ഇന്ത്യയെ മുന് യുഎസ്സ് സ്റ്റേറ്റ് സെക്രട്ടറി ഹിലരി ക്ലിന്റന് മുക്ത കണ്ഠം പ്രശംസിച്ചു. അടുത്തയിടെ ഭര്ത്താവ് ക്ലിന്റനുമൊത്ത് താന് മോഡിയെ സന്ദര്ശിച്ചിരുന്നുവെന്നും അപ്പോഴാണ് രാജ്യത്തെ ഒരു പൊതു ശുചിത്വ നിലവാരം കൊണ്ടു വരുന്നതിനായി പ്രധാനമന്ത്രി മോഡി നടത്തുന്ന ശ്രമങ്ങളെക്കുറിച്ച് അറിയാനിടയായതെന്നും അവര് പറഞ്ഞു. മുതിര്ന്ന പെണ്കുട്ടികള്ക്ക് ശരിയായ ടോയ്ലറ്റ് സൗകര്യങ്ങളില്ലാത്ത സ്കൂളുകളില് പോകാന് കഴിയില്ലെന്നതു വാസ്തവമാണ് എന്ന് അവര് അഭിപ്രായപ്പെട്ടു. ഇന്ത്യോനേഷ്യയെ കുറിച്ച് അടുത്തിടെ പുറത്തിറങ്ങിയ ഒരു പഠന റിപ്പോര്ട്ടിനെപ്പറ്റിയും അവര് പരാമര്ശിച്ചു.
സ്ത്രീകളാണ് പ്രവര്ത്തിക്കുന്നതെങ്കിലും, അവര്ക്ക് പ്രാഥമികാവശ്യങ്ങള് നിര്വഹിക്കുന്നതിനുള്ള സൗകര്യങ്ങള് അവിടെ ലഭ്യമല്ലെന്നുള്ളത് ദൗര്ഭാഗ്യകരമാണെന്ന് അവര് പറഞ്ഞു. രാഷ്ട്ര പുനര്നിര്മ്മാണത്തിന്റെ വിവിധ മേഖലകളില് പങ്കാളിത്തത്തിന് സ്ത്രീകള്ക്കും അവസരങ്ങള് ഒരുക്കുകയാണെങ്കില് രാജ്യത്തിന്റെ സാമ്പത്തിക സ്ഥിതി വളരെ വേഗത്തില് മെച്ചപ്പെടുമെന്ന് അവര് ഉറപ്പിച്ചു പറഞ്ഞു. ഐക്യരാഷ്ട്ര പൊതു സഭയുടെ വാര്ഷികസെഷനില് പങ്കെടുക്കാന് മോഡി ന്യൂയോര്ക്കിലെത്തിയപ്പോഴായിരുന്നു ഹിലരി പ്രധാനമന്ത്രിയുമായി കൂടികാഴ്ച നടത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha