ആദ്യ ശൂന്യാകാശ വിനോദയാത്രയുടെ പരീക്ഷണ പറക്കല് ദുരന്തമായി
ശൂന്യാകാശത്തേക്ക് പറക്കുന്നവരുടെ മോഹങ്ങളുടെ മേല് കരിനിഴല് വീഴ്ത്തി ആദ്യ ശൂന്യാകാശ വിനോദയാത്ര അശുഭമായി. പുതിയ റോക്കറ്റ് ഇന്ധനം പരീക്ഷിച്ചു നോക്കുന്നതിനിടെ \'വെര്ജിന് ഗാലടിക്\'-ന്റെ സ്പെയ്സ്ഷിപ്പ് പൊട്ടിത്തെറിച്ചു. അതിലെ രണ്ടു പൈലറ്റുമാരില് ഒരാള് പാരച്യൂട്ട് ഉപയോഗിച്ചു രക്ഷപ്പെട്ടു. മറ്റൊരാള് മരണമടഞ്ഞുവെന്നുമാണ് റിപ്പോര്ട്ട്. റബര് ചേര്ന്ന് പഴയ ഇന്ധനത്തിനു പകരം പ്ലാസ്റ്റിക് കലര്ന്ന പുതിയ ഇന്ധനം പ്രയോജനപ്രദമാകുമോ എന്നറിയാനുളള പരീക്ഷണപ്പറക്കലിനിടെയായിരുന്നു ദുരന്തം. ഇതില് യാത്ര ചെയ്യാനായി ലേഡി ഗാഗ, ജസ്റ്റിന് ബീബര്, കാറ്റി പെറി തുടങ്ങിയ പ്രമുഖര് 250,000 ഡോളര് മുടക്കി ടിക്കറ്റെടുത്തിരുന്നതാണ്. ഇവരുള്പ്പെടെ 700-ഓളം പേര് ബഹിരാകാശ യാത്രയ്ക്ക് ഒരുങ്ങിയിരിക്കുകയായിരുന്നു.
കാലിഫോര്ണിയയിലെ മോജേവ് മരുഭൂമിയിക്ക് മുകളില് വച്ചാണ് റോക്കറ്റ് വാഹകവാഹനമായ വിമാനം ലോഞ്ചു ചെയ്തത്. രണ്ടു മിന്ട്ട് കഴിഞ്ഞയുടനെ സ്പേസ്ഷിപ്പ് പൊട്ടിത്തെറിക്കുകയായിരുന്നു. സ്പേസ്ഷിപ്പ് 2 - എന്നു പേരിട്ടിരുന്ന ഈ ബഹിരാകാശവിമാനം യാത്രക്കാരുമായുളള ആദ്യശൂന്യകാശയാത്രയ്ക്കു തയ്യാറെടുക്കുകയായിരുന്നു.
2004 ല് റിച്ചാര്ഡ് ബ്രാന്സണ് സ്ഥാപിച്ച വെര്ജിന് കമ്പനി 500 ദശലക്ഷം ഡോളറാണ് ഈ പ്രോജക്ടിനായി നീക്കിവച്ചിട്ടുളളത്. വിജയകരമായ സ്പേസ് യാത്രകള് സംഘടിപ്പിക്കുന്ന ടൂര് ഓപ്പറേറ്റര് ആകുക എന്നതാണ് വെര്ജിന്റെ ലക്ഷ്യം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha