അമേരിക്കയില് ഇന്ന് പൊതു തെരെഞ്ഞടുപ്പ്; ഒബാമയുടെ ജനപ്രീതി ഇടയുന്നതായി സര്വ്വേ
അമേരിക്കയില് ഇന്ന് പൊതു തെരെഞ്ഞടുപ്പ് നടക്കും. ജനപ്രതിനിധി സഭയിലും, സെനറ്റിലും റിപ്പബ്ലിക്കന് പാര്ട്ടിക്ക് ഭൂരിപക്ഷം കിട്ടുമെന്നാണ് അഭിപ്രായ സര്വേകള് സൂചിപ്പിക്കുന്നത്. 36 സംസ്ഥാനങ്ങളിലെ ഗവര്ണര്മാരും ഇന്ന് തിരെഞ്ഞടുപ്പിനെ നേരിടും. ഒബാമയുടെ സാമൂഹിക ക്ഷേമ പദ്ധതികള് കാര്യമായനേട്ടം കൈവരിക്കാത്തതും, ഇടിയുന്ന ജനപ്രീതിയും വോട്ടായി മാറുമെന്നാണ് റിപ്പബ്ലിക്കന്മാര് കരുതുന്നത്. അടുത്തവര്ഷം നടക്കുന്ന പ്രസിഡന്റ് തിരഞ്ഞെടുപ്പിന്റെ സൂചകമായും രാഷ്ട്രീയ നിരീക്ഷകര് ഈ തെരഞ്ഞെടുപ്പിനെ വിലയിരുത്തുന്നു.
233 സീറ്റുകളുമായി നിലവില് പ്രസിഡന്റ് ഒബാമയുടെ റിപ്പബ്ലിക്കന് പാര്ട്ടിക്കാണ് ഭൂരിപക്ഷം. ഉപരിസഭയായ സെനറ്റിലെ 36 സീറ്റുകളിലേക്കാണ് തിരഞ്ഞെടുപ്പ്. ഇരുസഭകളിലും റിപ്പബ്ലിക്കന്മാര് ഭൂരിപക്ഷം നേടിയെക്കുമെന്നാണ് റോയിട്ടേഴ്സ് സര്വെ പറയുന്നത്. ഒബാമയുടെ ഭരണം തിരഞ്ഞെടുപ്പിലെ മുഖ്യവിഷയമാക്കുന്നതില് റിപ്പബ്ലിക്കന്മാര് വിജയം കണ്ടെന്നാണ് പൊതുവെയുള്ള വിലയിരുത്തല്.
സാമ്പത്തികസ്ഥിതി മെച്ചപ്പെടാത്തത് ജനവികാരം ഒബാമക്കെതിരാക്കിയിട്ടുണ്ട്.
യുഎസില് ഇടക്കാല തിരഞ്ഞെടുപ്പില് ഭരണകക്ഷി തിരിച്ചടിനേരിടുന്ന പതിവും ഡെമോക്രാറ്റുകളില് ആശങ്ക സൃഷ്ടിക്കുന്നു.
പ്രാദേശിക പ്രശ്നങ്ങള് വോട്ടര്മാരുടെ മുഖ്യപരിഗണനയായി മാറിയാല് തിരിച്ചുവരവ് സാധ്യമാകുമെന്ന വിശ്വാസത്തിലാണ് ഡെമോക്രാറ്റുകള്. സൗത്ത് കരോലിനയിലെ ഇന്ത്യന് വംശജയായ ഗവര്ണര് നിക്കി ഹാലെ ജനവിധി തേടുന്നവരില് ഉള്പ്പെടുന്നു.പാര്ലമെന്റിലേക്കുള്ള തിരഞ്ഞെടുപ്പിന് പുറമെ 46 സംസ്ഥാനങ്ങളിലെ നിയമസഭാതിരഞ്ഞെടുപ്പും തലസ്ഥാനമായ വാഷിങ്ടണ് നഗരത്തിലെ ഉള്പ്പടെ ഇരുപതോളം നഗരങ്ങളിലെ മേയര് തിരഞ്ഞെടുപ്പും ഇന്ന് നടക്കും.36 സംസ്ഥാനങ്ങളിലെ ഗവര്ണര് തിരഞ്ഞെടുപ്പും ഇന്നു നടക്കും. യുഎസ് പാര്ലമെന്റിലെ അധോസഭയായ ജനപ്രതിനിധിസഭയിലെ മുഴുവന് സീറ്റുകളിലേക്കും തിരഞ്ഞെടുപ്പ് നടക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha