മദ്യ ഉപയോഗം കൂട്ടി ഡ്രിങ്കിംഗ് ഗെയിമുകള്‍
സമൂഹത്തെകാര്‍ന്നുതിന്നുന്ന മാരകരോഗമാണ് മദ്യപാനാസക്തി എന്ന കര്യത്തില്‍ ആര്‍ക്കും സംശയമില്ല. മദ്യത്തിനടിപ്പെട്ട് ജീവിതവും കുടുംബവും നഷ്ടപ്പെട്ടവരും കുറച്ചല്ല.എന്നാല്‍ മദ്യം കൊണ്ടുളള ദൂഷ്യഫലങ്ങളെ കുറിച്ചുളള ബോധവല്‍ക്കരണ ശ്രമങ്ങള്‍ ആരംഭിച്ചിട്ട് കാലം ഒരുപാടായി. എങ്കിലും അവയൊന്നും നിര്‍ത്താന്‍ ഇപ്പോഴും സമയമായിട്ടില്ല എന്നാണ് പുതിയ റിപ്പോര്‍ട്ടുകള്‍ കാണിക്കുന്നത്. മദ്യ ഉപയോഗം ദോഷമാണെന്ന് എല്ലാവര്‍ക്കും അറിയാം.മദ്യപാനത്തിന്റെ ദൂഷ്യഫലം സ്ത്രീകളിലും പുരുഷന്‍മാരിലും അനുഭവപ്പെടുന്നതും വ്യത്യസ്ത തലത്തിലാണ്.
മദ്യത്തിനെതിരെ പ്രചാരണം നടത്തുന്നവര്‍ യുവാക്കള്‍ക്കിടയില്‍ മദ്യഉപയോഗം വര്‍ദ്ധിക്കുന്നതിന് കാരണമായി ചൂണ്ടിക്കാട്ടുന്നത് ഡ്രിങ്കിംഗ് ഗെയിമുഖളെയാണ്. കൂട്ടുകാരുടെ സമ്മര്‍ദ്ദത്തിനുവഴങ്ങി ഒരു ഗെയിമിന്റെ ചട്ടങ്ങള്‍ക്കനുസരിച്ച് കുടിയ്ക്കുമ്പോള്‍ എത്രത്തോളം കുടിയ്ക്കുന്നുണ്ട് എന്നതിനെകുറിച്ച അവര്‍ക്ക് ഒരു ബോധവുമുണ്ടാകില്ല എന്നാണ് മെഡിക്കല്‍ അഡൈ്വസറി ബോര്‍ഡ് ഫൊര്‍ ചാരിറ്റി ആശ്ക്കഹോള്‍ കണ്‍സേണ്‍-ലെ ഡോ.സാറാ ജാര്‍വിസ് പറയുന്നത്. ഡ്രിങ്കിംഗ് ഗെയിമുകള്‍ കാമ്പസുകളില്‍ വളരെ പ്രചാരം നേടിക്കഴിഞ്ഞിരുന്നു. എന്താണിവ എന്നറിയാത്തവര്‍ക്കായി ഒരു ഉദാഹരണവും പറയാം.
\'പെന്നീസ്\' എന്ന പേരിലൊരു ഗെയിമുണ്ട്.സുഹൃത്തുക്കള്‍ ചേര്‍ന്നിരുന്ന് മദ്യപിക്കുന്നതിനിടെ ഒരു നാണയം മേശപ്പുറത്തുനിന്ന് തെറിപ്പിച്ച് ഒരു ഗ്ലാസിനുളളില്‍ വീഴ്ത്തണം. നിങ്ങള്‍ ശ്രമിച്ചിട്ട് പറ്റിയില്ലേ? എന്നാല്‍ മദ്യം കഴിക്കണം. മൂന്ന് പ്രാവിശ്യം അടുപ്പിച്ച് നാണയം ഗ്ലാസില്‍ വീഴ്ത്തിയോ? നിങ്ങള്‍ക്ക് പുതിയ നിയമം ഉണ്ടാക്കാന്‍ അവസരമായി. കാമ്പസുകളിലെ പുതിയ വിദ്യാര്‍ത്ഥികള്‍ക്കിടയിലാണ് \'ഡ്രിങ്കിംഗ് ഗെയിംസ്\' തരംഗമായിരിക്കുന്നത്. അത്തരത്തിലുളള 700-ഓളം പേരുടെ ഇടയില്‍ നടത്തിയ ഒരു സര്‍വേ കാണിക്കുന്നത് ഡ്രിങ്കിംഗ് ഗെയിമുകള്‍ക്കുശേഷം പുരുഷവിദ്യാര്‍ത്ഥികള്‍ക്ക് ഓര്‍മ്മ നഷ്ടമായെന്നും സ്ത്രീകള്‍ നാണംകെട്ട വര്‍ത്തമാനം പറയുന്ന സ്ഥിതിയിലുമായെന്നാണ്. അതുപോലെ തന്നെ ആദ്യമായി ഇത്തരം ഗെയിമുകളിലേര്‍പ്പെടുന്നവര്‍ കുടിക്കുന്നതും ആദ്യമായിട്ടായിരിക്കും. അത്തരക്കാര്‍ക്ക് ഛര്‍ദ്ദിയുണ്ടാകുവാനും ശ്വാസതടസ്സം ഉണ്ടാകുവാനും സാധ്യത ഏറെയാണെന്നാണ് വിദഗ്ദ അഭിപ്രായം. ഇവര്‍ക്ക് ബ്രെയിന്‍ ഡാമേജ് സംഭവിക്കുന്നതായും ചൂണ്ടിക്കാണിയ്ക്കപ്പെടുന്നു. ബോധം കെട്ട കുടിയും കഴിഞ്ഞിറങ്ങുന്ന പെണ്‍കുട്ടികള്‍ ലൈംഗിക ചൂഷണത്തിനും വിധേയരാകാറുണ്ടെന്നും പറയപ്പെടുന്നു
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
