ഒസാമ ബിന് ലാദനെ വധിച്ച അമേരിക്കന് സൈനികന്റെ ചിത്രം പുറത്ത്
അല്ക്വയ്ദാ മേധാവി ഒസാമ ബിന് ലാദനെ വധിച്ച അമേരിക്കന് സൈനികന് രഹസ്യങ്ങളുടെ മറനീക്കി പുറത്തേക്ക്. റോബ് ഒനീല് എന്ന സൈനികനാണ് ലാദനെ വധിച്ചതിന്റെ കഥകളുമായി രംഗത്ത് വന്നിരിക്കുന്നത്. രഹസ്യമാക്കി വച്ചിരുന്ന ചിത്രം ട്വിറ്ററിലൂടെയാണ് പുറത്തായത്.
സൈന്യത്തില്നിന്നു വിരമിച്ചശേഷമാണ് സത്യം തുറന്നുപയാന് ഒനീല് ഒരുങ്ങിയത്.
എന്നാല് ലാദന് കൊല്ലപ്പെട്ട ആക്രമണത്തെക്കുറിച്ച് കൂടുതല് തുറന്നുപറച്ചില് നടത്തുന്നതില്നിന്നു ഒനീലിനെ അമേരിക്ക വിലക്കി. നിര്ദേശം പാലിച്ചില്ലെങ്കില് നിയമനടപടി നേരിടേണ്ടി വരുമെന്ന് ഉന്നത സൈനികോദ്യോഗസ്ഥര് അദ്ദേഹത്തിനു മുന്നറിയിപ്പു നല്കി.
\'സത്യം പുറത്തുവന്നാല് എന്നെത്തേടി ഭീകരര് എത്തുമെന്നു ഭയക്കുന്നവരുണ്ട്. എന്നാല് അവര്ക്കു സ്വാഗതം പറയാനാണ് ഞാന് ഒരുങ്ങുന്നത്\' മെയില് ഓണ്ലൈനിനു നല്കിയ അഭിമുഖത്തിലാണ് അദ്ദേഹം ഇക്കാര്യം വെളിപ്പെടുത്തിയത്.
അമേരിക്കയ്ക്കുവേണ്ടി 400 ഓപ്പറേഷനുകളാണ് ഞാന് നടത്തിയിട്ടുള്ളത്. ഏറ്റുമുട്ടലില് 30 പേരെ വധിക്കുകയും ചെയ്തു. ഇവരില് പ്രധാനിയാണു ബിന് ലാദനെന്നാണു ഒനീലിന്റെ നിലപാട്.
2011 മേയ് മൂന്നിനാണ് പാകിസ്താനിലെ അബോട്ടാബാദിലെ വസതിയില് ഒനീലിന്റെ വെടിയുണ്ടകള്ക്കു ബിന് ലാദന് ഇരയായത്. മടങ്ങിയെത്തിയ അദ്ദേഹത്തെ അമേരിക്കന് സര്ക്കാര് രഹസ്യമായി ആദരിക്കുകയും ചെയ്തു. 20 വര്ഷത്തെ സൈനിക സേവനം പൂര്ത്തിയാക്കാതെ മടങ്ങാനുള്ള തീരുമാനമാണു മേധാവികള്ക്ക് ഒനീല് അനഭിമതനാകാന് കാരണം. ചില ആനുകൂല്യങ്ങള് നിഷേധിച്ചായിരുന്നു തിരിച്ചടി. ഇതേ തുടര്ന്നാണു രഹസ്യം പുറത്തുവിടാന് തീരുമാനിച്ചത്.ഏറ്റുമുട്ടല് രഹസ്യങ്ങള് പുറത്തുവിട്ടാല് നിയമനടപടി സ്വീകരിക്കുമെന്ന് ഫോഴ്സ് മാസ്റ്റര് ചീഫ് മൈക്കല് മഗരാസിയും കമാന്ഡര് റിയര് അഡ്മിറല് ബ്രയാന് ലോസിയും ഇദ്ദേഹത്തിനു മുന്നറിയിപ്പ് നല്കി.
കൂടുതല് തുറന്നുപറച്ചില് നടത്തുന്നതിനു നേവിയുടെ വിലക്കുണ്ട്. പ്രണയത്തകര്ച്ചയെ തുടര്ന്നാണു ഒനീല് 19 ാം വയസില് അമേരിക്കന് നേവിയില് ചേര്ന്നത്. ഇറാഖിലും അഫ്ഗാനിസ്ഥാനിലും ജോലി ചെയ്തിട്ടുണ്ട്. ബിന് ലാദനെ വധിച്ച സംഘത്തില് അംഗമായിരുന്നെന്നു പരസ്യമായി പറയുന്ന രണ്ടാമത്തെ വ്യക്തിയാണ് ഒനീല്. ഒസാമ വധവുമായി ബന്ധപ്പെട്ട കൂടുതല് രഹസ്യങ്ങള് ഫോക്സ് ന്യൂസ് ടെലിവിഷനില് അടുത്ത ആഴ്ച സംപ്രേഷണം ചെയ്യുന്ന പരിപാടിയിലൂടെ പുറത്തുവരുമെന്ന് പ്രതീക്ഷിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha