ഇന്ത്യയുടെ കാര് വേണ്ടന്ന് നവാസ് ഷെരീഫ്; സാര്ക്ക് ഉച്ചകോടിയില് സ്വന്തം കാര് ഉപയോഗിക്കും
നവംബര് 26, 27 തീയതികളില് നേപ്പാളില് നടക്കുന്ന സാര്ക്ക് രാജ്യങ്ങളുടെ ഉച്ചകോടിയില് പാകിസ്ഥാന് പ്രധാനമന്ത്രി നവാസ് ഷെരീഫ് ഇന്ത്യ നല്കുന്ന കാറുകള് ഉപയോഗിക്കില്ല. ഇന്ത്യയും പാകിസ്ഥാനും തമ്മിലുള്ള ഉഭയകക്ഷി ബന്ധത്തിലെ അസ്വാരസ്യങ്ങളാണ് ഇതിന് കാരണം. പകരം പാകിസ്ഥാനില് നിന്ന് കൊണ്ടുവരുന്ന കാറായിരിക്കും ഉച്ചകോടിയില് ഷെരീഫ് ഉപയോഗിക്കുക.
സാര്ക് നേതാക്കള്ക്ക് സഞ്ചരിക്കാനായി നേപ്പാള് ഇന്ത്യയോട് ബുള്ളറ്റ്പ്രൂഫ് കാറുകള് ആവശ്യപ്പെട്ടിരുന്നു. അതുപ്രകാരം ഇന്ത്യ ഇക്കഴിഞ്ഞ ശനിയാഴ്ച ആറ് കാറുകള് നേപ്പാളിലേക്ക് അയയ്ക്കുകയും ചെയ്തു. നേപ്പാളില് നിലവില് രണ്ട് ബുള്ളറ്റ് പ്രൂഫ് കാറുകളാണുള്ളത്. ഒരെണ്ണം നേപ്പാള് പ്രസിഡന്റ് രാംബരന് യാദവും മറ്റൊന്ന് പ്രധാനമന്ത്രി സുശീല് കൊയ്രാളയുമാണ് ഉപയോഗിക്കുന്നത്. മറ്റു രണ്ടു കാറുകള് അറ്റക്കുറ്റപ്പണിയിലാണ്. ഐക്യരാഷ്ട്ര സഭയുടെ പൊതുസമ്മേളനത്തില് പങ്കെടുക്കുന്പോഴാണ് നേപ്പാള് ഇന്ത്യയോട് വാഹനങ്ങള് ആവശ്യപ്പെട്ടത്.
ഷെരീഫിന്റെ സഞ്ചാരത്തിനായി പാകിസ്ഥാന് ബദല് മാര്ഗങ്ങള് സ്വീകരിച്ചതായി നേപ്പാള് വിദേശകാര്യ മന്ത്രാലയവും സ്ഥിരീകരിച്ചിട്ടുണ്ട്. അതേസമയം സര്ക്കാര് വൃത്തങ്ങള് ഈസംഭവത്തെ ലഘൂകരിച്ചു കാണിക്കാനാണ് ശ്രമിച്ചത്. വിദേശ രാജ്യങ്ങളിലെ നേതാക്കള് സ്വന്തം ഉപയോഗത്തിന് കാറുകള് കൊണ്ടുവരുന്ന രീതി ഉണ്ടെന്നായിരുന്നു എന്നാണ് ഇവരുടെ വിശദീകരണം.
ഇന്ത്യ നല്കിയ കാറുകള് ഇപ്പോള് നേപ്പാള് സൈന്യത്തിന്റെ പക്കലാണുള്ളത്. ശ്രീലങ്കന് പ്രസിഡന്റ് മഹിന്ദ രാജ്പക്സെ, ഭൂട്ടാന് പ്രധാനമന്ത്രി ഷെറിംഗ് തോബ്ഗെ, അഫ്ഗാന് പ്രസിഡന്റ് അഷറഫ് ഘാനി, ബംഗ്ളാദേശ് പ്രധാനമന്ത്രി ഷേക് ഹസീന, മാലിദ്വീപ് പ്രസിഡന്റ് അബ്ദുള്ള യമീന് എന്നിവര് ഇന്ത്യ നല്കുന്ന വാഹനങ്ങളാണ് ഉപയോഗിക്കുക. ഇന്ത്യന് പ്രധാനമന്ത്രി നരേന്ദ്ര മോദിക്കായി പ്രത്യേകം വാഹനം കൊണ്ടുപോവും
https://www.facebook.com/Malayalivartha