സാര്ക്കിലെ അംഗത്വ രാജ്യങ്ങള് തമ്മിലുള്ള സഹകരണം വര്ധിപ്പിക്കണമെന്ന് പാക് പ്രധാനമന്ത്രി നവാസ് ശരീഫ്
തര്ക്കരഹിത ദക്ഷിണേഷ്യ രൂപീകരിക്കുകയെന്നത് തങ്ങളുടെ ലക്ഷ്യമാണെന്നും ദേശീയ പ്രശ്നങ്ങള് പരിഹരിക്കാന് അംഗ രാജ്യങ്ങള് തമ്മില് പരസ്പര വിശ്വാസം ആവശ്യമാണെന്നും പാക്കിസ്ഥാന് പ്രധാനമന്ത്രി നവാസ് ഷെരീഫ്. സാര്ക്ക് ഉച്ചകോടിയെ അഭിസംബോധന ചെയ്തു സംസാരിക്കുകയായിരുന്നു അദ്ദേഹം.
സാര്ക്കിലെ അംഗത്വ രാജ്യങ്ങള് തമ്മിലുള്ള സഹകരണം വര്ധിപ്പിക്കാനും ദാരിദ്ര്യത്തിനും രോഗങ്ങള്ക്കും നിരക്ഷരതയ്ക്കുമെതിരെ ഒരുമിച്ച് പോരാടാനും ഷെരീഫ് ആവശ്യപ്പെട്ടു. പാക്കിസ്ഥാനിലെ ജനങ്ങളുടെ പ്രതീക്ഷകളെ സാക്ഷാത്കരിക്കാന് ഉച്ചകോടിക്ക് കഴിയും. സാര്ക്ക് ഉച്ചകോടി വിജയകരമാക്കി തീര്ക്കാന് പരിശ്രമിച്ച നേപ്പാള് ഭരണകൂടത്തിനും പ്രധാനമന്ത്രി സുശീല് കൊയ്രാളയ്ക്കും തന്റെ നന്ദി അറിയിക്കുന്നതായി ഷെരീഫ് പറഞ്ഞു.
ദേശീയ- രാജ്യാന്തര തലങ്ങളില് തീവ്രവാദം ഉയര്ത്തുന്ന വെല്ലുവിളി ഏറെ വലുതാണെന്ന് ശ്രീലങ്കന് പ്രസിഡന്റ് മഹീന്ദ്ര രാജപക്ഷെ ചൂണ്ടിക്കാട്ടി. സാര്ക്ക് ഉച്ചകോടിക്ക് പ്രശംസാര്ഹമായ മാറ്റങ്ങള് കൊണ്ടുവരാന് സാധിക്കുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.
രാജ്യത്ത് സമാധാനം നിലനിര്ത്തുകയെന്നത് തന്റെ സര്ക്കാരിന്റെ ഉത്തരവാദിത്തമാണെന്ന് അഫ്ഗാന് പ്രസിഡന്റ് അഷ്റഫ് ഗാനി അഭിപ്രായപ്പെട്ടു. അഫ്ഗാന് മണ്ണില് ആര്ക്കെതിരെയും പരോക്ഷമായോ പ്രത്യക്ഷമായോ യുദ്ധം നടത്താന് ആരെയും അനുവദിക്കില്ലെന്നും അദ്ദേഹം പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha