നൈജീരിയയില് മുസ്ലിം പള്ളിയില് ബോംബ് സ്ഫോടനം: 120 മരണം
നൈജീരിയയില് കാനോയില് മുസ്ലിം പള്ളിയിലുണ്ടായ രണ്ടു ചാവേര് സ്ഫോടനങ്ങളില് 120 പേര് മരിച്ചു. 270 പേര്ക്കു പരുക്കേറ്റി്ട്ടുണ്ട്. രണ്ടു ചാവേറുകള് പൊട്ടിത്തെറിക്കുകയും മറ്റു ചിലര് പള്ളിയില് പ്രാര്ഥനയിലായിരുന്നവര്ക്കു നേരെ വെടിയുതിര്ക്കുകയുമായിരുന്നു.
നൈജീരിയയിലെ ഭീകരപ്രവര്ത്തകരായ ബൊക്കോ ഹറാമിനെതിരെ ആയുധമെടുക്കാന് ഇവിടുത്തെ പ്രമുഖ മുസ്ലിം പണ്ഡിതന് കഴിഞ്ഞയാഴ്ച ആഹ്വാനം ചെയ്തിരുന്നു. അതിന്റെ പ്രതികാരമാണ് ചാവേര് സ്ഫോടനമെന്നു കരുതുന്നു.
സ്ഫോടനമുണ്ടായ സമയത്ത് മുസ്ലീം പള്ളിയില് നിന്നു രക്ഷപെടാന് ശ്രമിച്ചവര്ക്കു നേരെ അക്രമികള് വെടിയുതിര്ക്കുകയും ചെയ്തിരുന്നുവെന്ന് പോലീസ് പറഞ്ഞു. എത്ര പേര് സംഘത്തിലുണ്ടായിരുന്നുവെന്നോ സ്ത്രീകളാണോ വെടിയുതിര്ത്തതെന്നോ വ്യക്തമായിട്ടില്ല. അഞ്ചു ദിവസങ്ങള്ക്കു മുന്പ് രണ്ടു സ്ത്രീ ചാവേറുകള് നടത്തിയ ആക്രമണത്തില് 45 പേര് കൊല്ലപ്പെട്ടിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha