നേപ്പാളില് ബസ് മറിഞ്ഞ് 11 പേര് മരിച്ചു
പടിഞ്ഞാറന് നേപ്പാളില് ബസ് മറിഞ്ഞ് പതിനൊന്ന് പേര് മരിച്ചു. ഇരുപത്തിയൊമ്പതിലധികം പേര്ക്ക് പരിക്കേറ്റു. ശനിയാഴ്ച പുലര്ച്ചെയാണ് സംഭവം. ബസിന്റെ ടയര് പഞ്ചറായതിനെ തുടര്ന്ന് നിയന്ത്രണം വിട്ട ബസ് ഖൈലാലി ജില്ലയിലെ പര്വതങ്ങള്ക്കിടയിലുള്ള റോഡില് നിന്നും മറിയുകയായിരുന്നു.പരിക്കേറ്റവരെ ആശുപത്രിയില് പ്രവേശിപ്പിച്ചിരിക്കുകയാണ്.
നേപ്പാളില് റോഡ് അപകടങ്ങള് സര്വസാധാരണമാണ്. ചെങ്കുത്തായ മലനിരകള്ക്കിടയിലുള്ള മോശം റോഡുകളും നല്ല അവസ്ഥയിലല്ലാത്ത വാഹനങ്ങളുമാണ് ഇവിടെയുണ്ടാകുന്ന അപകടങ്ങള്ക്ക് കാരണം.
https://www.facebook.com/Malayalivartha