ഓസ്ട്രേലിയയെ മുള്മുനയില് നിര്ത്തിയത് ആള്ദൈവം... കൊലക്കുറ്റമുള്പ്പെടെ നിരവധി പീഡന കേസുകളില് അന്വേഷണം നേരിടുന്നയാള് കൂടീയാണ്
ഓസ്ട്രേലിയയെ മുള്മുനയില് നിര്ത്തിയ ഭീകരന് മാന് ഹാരൂണ് മോനിസ് സ്വയം പ്രഖ്യാപിത ആള്ദൈവം. കൂടാതെ കൊലക്കുറ്റമുള്പ്പെടെ നിരവധി പീഡന കേസുകളില് അന്വേഷണം പ്രതിയുമാണെന്ന് തെളിഞ്ഞു.
1996ല് ഇറാനില്നിന്ന് രാഷ്ട്രീയ അഭയം തേടി ഓസ്ട്രേലിയയിലെത്തിയതാണ് ഹാരൂണ്. മുന്കാമുകി നോലീന് ഹെയ്സണ് പാലിനെ 18 തവണ കുത്തി മുറിവേല്പ്പിച്ചശേഷം തീകൊളുത്തി കൊലപ്പെടുത്തിയ കേസ്സില് ഹാരൂണ് അന്വേഷണം നേരിടുകയാണ്. നാല്പ്പതോളം ലൈംഗികാതിക്രമ കേസുകളും ഇയാളുടെ പേരിലുണ്ട്. ജാമ്യത്തിലിറങ്ങിയ വേളയിലാണ് ഹാരൂണ് ഈ അക്രമത്തിന് മുതിര്ന്നത്.
മന്തേഗി ബൗയേര്ഡി എന്നാണ് ഹാരൂണിന്റെ യഥാര്ഥ പേര്. ഓസ്ട്രേലിയയിലെ ഷിയ വിശ്വാസികള്ക്കിടയില് ആള്ദൈവമായി തട്ടിപ്പ് നടത്തുകയും യുവതികളെ പീഡിപ്പിക്കുകയും ചെയ്തതിനും ഇയാള്ക്കെതിരെ കേസ്സുണ്ട്.
കഴിഞ്ഞവര്ഷം ഏപ്രിലിലാണ് കാമുകി അമിര ഡ്രൗഡിസുമായി ചേര്ന്ന് മുന് കാമുകി നോലീനെ ഹാരൂണ് വകവരുത്തിയത്. എന്നാല്, ഈ കേസ്സില് പ്രോസിക്യൂഷന് വാദം തീരെ ദുര്ബലമായതിനാല്, ഇരുവരെയും ജാമ്യത്തില് വിടുകയായിരുന്നു.ഇതിന്പുറമെ ഒട്ടേറെ കേസ്സുകള് വേറെയും ഹാരൂണിന്റെ പേരിലുണ്ട്. അഫ്ഗാനിസ്താനില് കൊല്ലപ്പെട്ട ഓസ്ട്രേലിയന് സൈനികരുടെ കുടുംബങ്ങള്ക്ക് അപകീര്ത്തികരമായ കത്തുകളയച്ചതിന്റെ പേരിലും ഇയാള്ക്കെതിരെ പൊലീസ് കേസ്സെടുത്തിരുന്നു.
ഇസ്ലാം മതത്തെ അപകീര്ത്തിപ്പെടുത്തുന്ന രീതിയില് പ്രഭാഷണങ്ങള് നടത്തിയതോടെയാണ് ഇയാള് ഇറാനിലെ മതനേതാക്കളുടെ കണ്ണിലെ കരടായത്. തുടര്ന്ന് ഓസ്ട്രേലിയയിലേക്ക് രക്ഷപ്പെടുകയായിരുന്നു. ഇതേ കുറ്റത്തിന് ഹാരൂണിന്റെ ഇറാനിലെ ഭാര്യയെയും രണ്ടുമക്കളെയും മത പൊലീസ് തടവിലാക്കുകയും ചെയ്തിരുന്നു.
സ്വയം പ്രഖ്യാപിത മതനേതാവായി മാറാനുള്ള ഹാരൂണിന്റെ ശ്രമത്തെ ഓസ്ട്രേലിയയിലെ ഷിയ കൗണ്സില് തലവന് കമാല് മൗസെല്മാനി തടയുകയായിരുന്നു. ഓസ്ട്രേലിയയില് ആയത്തൊള്ളമാര് ഇല്ലെന്നും ഹാരൂണിന്റെ അവകാശവാദങ്ങള് തെറ്റാണെന്ന് പ്രഖ്യാപിക്കുകയും ചെയ്തിരുന്നു. എന്നാല്, പിന്നീടും മതനേതാവായി ചമഞ്ഞ് തട്ടിപ്പുകള് നടത്തുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha