തലക്കകത്തെ ഭീമന്‍ പുഴു ഉണ്ടാക്കിയ തലവേദന ചില്ലറയല്ല. ആറു വര്‍ഷമായി കടുത്ത തലവേദന അനുഭവിച്ചിരുന്ന യുവതിയുടെ തലച്ചോറില്‍നിന്ന് ഡോക്ടര്‍മാര്‍ കണ്ടെടുത്തത് എട്ടു സെന്റീ മീറ്റര്‍ നീളമുള്ള പുഴു. ചൈനയിലെ യുനാന്‍ പ്രവിശ്യയിയെ ഴായോംഗിലാണ് സംഭവം. യെ മിംഗ് എന്ന 29കാരിയുടെ തലച്ചോറില്‍നിന്നാണ് ഈ പരാദത്തെ കണ്ടെത്തിയത്.
കടുത്ത തലവേദനയെ തുടര്‍ന്നാണ് യെ മിംഗിനെ ആശുപതിയില്‍ പ്രവേശിപ്പിച്ചത്. ഇടക്ക് തല കറങ്ങുന്നതും പതിവായിരുന്നു. പതിവു ചികില്‍സകള്‍ നല്‍കിയിട്ടും അസുഖം ഭേദമാവാത്തതിനെ തുടര്‍ന്നുള്ള പരിശോധനയിലാണ് തലച്ചോറില്‍ അസാധാരണ വളര്‍ച്ച ഡോക്ടര്‍മാരുടെ ശ്രദ്ധയില്‍ പെട്ടത്. അവസാനം ശസ്ത്രക്രിയ നടത്തിയപ്പോഴാണ് എട്ടു സെന്റീ മീറ്റര്‍ നീളമുള്ള പുഴുവിനെ കണ്ടെത്തിയത്. തലച്ചോറില്‍നിന്ന് ഭക്ഷണം സ്വീകരിച്ച് വളര്‍ന്നു വരികയായിരുന്നു ഈ പുഴു.
വെള്ളത്തിലൂടെ അകത്തു കടന്ന പുഴു തലച്ചോറില്‍ ജീവിക്കുകയായിരുന്നുവെന്ന് ഡോക്ടര്‍മാര്‍ പറഞ്ഞു. കുട്ടിക്കാലത്ത് ജീവനുള്ള തവളകളെ താന്‍ തിന്നാറുണ്ടായിരുന്നതായി യെ ഡോക്ടര്‍മാരോവട് പറഞ്ഞു. അതു വഴിയാവണം പുഴു ശരീരത്തിനകത്ത് കടന്നതെന്നാണ് നിഗമനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha