കാന്‍ ചലച്ചിത്രമേളയില്‍ തന്നോടുള്ള ആരാധനമൂത്ത് ഫ്രഞ്ച് നടി തുണിയുരിഞ്ഞെന്ന രൂപേഷ് പോളിന്റെ അവകാശവാദത്തിനെതിരെ കലാകാരി നേരിട്ട് രംഗത്ത്. ഫ്രഞ്ച് കലാകാരിയായ അറൂറെ നോയ്ഹാസ് അര്‍ധനഗ്‌നയായി രൂപേഷിനൊപ്പം നില്‍ക്കുന്ന ചിത്രം വൈറലായിരുന്നു. തന്റെ സിനിമകളുടെ ആരാധകയാണ് അവരെന്നും സിനിമയില്‍ അവസരം നല്‍കണമെന്നും ആവശ്യപ്പെട്ട് അടുത്തെത്തി തന്റെ മുമ്പില്‍ വച്ച് തുണിയുരിയുകയായിരുന്നുവെന്നാണ് രൂപേഷ് മാധ്യമങ്ങളോട് പറഞ്ഞത്. ഇത് ഇന്ത്യന്‍ മാധ്യമങ്ങള്‍ വലിയ വാര്‍ത്തയാക്കി.
ഫേസ്ബുക്കിലൂടെ ഇത് ശ്രദ്ധയില്‍പെട്ട അറൂറെ തന്റെ ഫേസ്ബുക്ക് പേജിലൂടെയാണ് വിശദീകരണവുമായി രംഗത്തുവന്നത്. പ്രിയപ്പെട്ട ഇന്ത്യക്കാരെ എന്ന് തുടങ്ങുന്ന പോസ്റ്റില്‍ താന്‍ രൂപേഷ് പോളിന്റെ ഫാനല്ലെന്നും പടമെടുക്കുന്ന സമയത്ത് ഇയാള്‍ ആരാണെന്ന് പോലും തനിക്കറിയില്ലായിരുന്നുവെന്ന് വിശദീകരിക്കുന്നു.
താന്‍ അയാളുടെ ഫാനാണെന്ന് അവകാശപ്പെട്ട് ചിത്രമിട്ടത് കാണാനിടയായി. അര്‍ധനഗ്‌നയാകാനുള്ള അവകാശത്തിനായി നടത്തിയ കാംപയിന്റെ ഭാഗമായിരുന്നു അത്. ആ സമയത്ത് എന്റെ അരികിലെത്തിയ ഇയാള്‍ മറ്റു പലരേയും പോലെ നമുക്ക് ഒരു ചിത്രമെടുക്കാം എന്ന് പറയുകയായിരുന്നു. അങ്ങനെയാണ് ചിത്രമെടുത്തത്. ഞാന്‍ ഒരു നടി പോലുമല്ല. ഒരു പ്രശസ്ത പോലുമില്ല. താന്‍ വെറുമൊരു കലാവിദ്യാര്‍ഥിയാണെന്നും അവര്‍ പറയുന്നു. കാമസൂത്ര ത്രിഡി ചിത്രവുമായാണ് രൂപേഷ് പോള്‍ ഇത്തവണ കാനിലെത്തിയിരിക്കുന്നത്. ഈ ചിത്രത്തില്‍ അഭിനയിച്ച ഷോര്‍ലിന്‍ ചോപ്രയും മുമ്പ് രൂപേഷിനെതിരെ രൂക്ഷ വിമര്‍ശനം ഉന്നയിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha