പ്രായപൂര്‍ത്തിയാവാത്ത വിദ്യാര്‍ഥിനികളെ ലൈംഗിക പീഡനത്തിന് ഇരയാക്കിയ പ്രൈമറി ബോര്‍ഡിംഗ് സ്‌കൂള്‍ അധ്യാപകനെ ചൈനയില്‍ തൂക്കിക്കൊന്നു. ഗാന്‍സു പ്രവിശ്യയിലെ പ്രൈമറി സ്‌കൂള്‍ അധ്യാപകനായ ലീ ജിഷ്യുന്‍നെയാണു തൂക്കിലേറ്റിയത്. 2011 -12 കാലയളവില്‍ 4 നും 12 നും ഇടയില്‍ പ്രായമുള്ള 26 വിദ്യാര്‍ത്ഥിനികളെ ഇയാള്‍ പീഡിപ്പിക്കുകയായിരുന്നു. ക്‌ളാസ്മുറിയിലും ടോയ്‌ലറ്റിലും സമീപത്തെ കുറ്റിക്കാട്ടിലും വെച്ചാണ് കുട്ടികള്‍ പീഡിപ്പിക്കപ്പെട്ടത്. കീഴ്‌ക്കോടതി വിധിച്ച വധശിക്ഷ പരമോന്നത കോടതിയായ സുപ്രീം പീപ്പിള്‍സ് കോര്‍ട്ട് ശരിവച്ചതോടെയാണു ലീ ജിഷ്യുന്‍നെ തൂക്കിലേറ്റിയത്. കുട്ടികള്‍ക്കെതിരായ ലൈംഗിക അതിക്രമങ്ങള്‍ രാജ്യത്ത് വര്‍ദ്ധിച്ചുവരികയാണെന്നും 201214 കാലയളവില്‍ കുട്ടികള്‍ക്കെതിരായ പീഡനം സംബന്ധിച്ച 7,145 കേസുകളാണു കൈകാര്യം ചെയ്യേണ്ടിവന്നതെന്നും കോടതി ചൂണ്ടിക്കാട്ടി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha